Roes (volk)

in Wikipedia, die vrye ensiklopedie
Jump to navigation Jump to search
Die begrafnis van ’n Roes-leier, deur Henryk Siemiradzki (1883).

Die Roes (Ou Kerkslawies: Рѹ́сь; Russies, Oekraïens en Belarussies: Русь) was ’n volk wat vermoedelik van Skandinawië af gekom en op die handelsroetes tussen die Oos- en Swartsee plundertogte uitgevoer het.

Geleerdes meen hulle het hulle later in die Bo-Wolgastreek tussen Slawiese en Finse volke gevestig en ’n regerende elite gevorm wat pelse en slawe verruil het vir sy, silwer en ander gebruiksartikels wat in die ooste en suide van Europa beskikbaar was. In dié gebied het later die losse federasie Kiëf-Roes ontstaan.

Herkoms[wysig | wysig bron]

Daar is omstredenheid oor of die Roesvolk Warangiërs (Wikings) of Slawiërs was. Die onsekerheid is as gevolg van die skaarste aan bronne uit dié tyd. In ’n mate hou die omstredenheid verband met die stigtingsmites van moderne state in die streek.[1]

Volgens die "Normanistiese" siening was die Roesvolk Skandinawiërs, terwyl Russiese en Oekraïense nasionalistiese geskiedkundiges gewoonlik meen hulle was Slawiërs.[2][3][4] Normanistiese teorieë is geskoei op die vroegste geskrewe bron van die Oos-Slawiërs, die Primêre Kronieke,[5] maar selfs hierdie weergawe dateer eers van die 12de eeu.[6] Volgens nasionalistiese weergawes was die Roesvolk in die streek teenwoordig voor die koms van die Warangiërs[7] en word net ’n hand vol Skandinawiese woorde in moderne Russies aangetref; die Skandinawiese name in die vroeë kronieke is kort daarna deur Slawiese name vervang.[8] Volgens argeologiese bewyse was ’n Skandinawiese volk egter op die laatste in die 10de eeu in die streek aanwesig.[9]

Alles in ag genome, lyk dit of die Roesvolk ’n klein meerderheid Skandinawiërs was wat ’n regerende elite gevorm het, terwyl die meeste van hul onderdane Slawiërs was.[8]

Verwysings[wysig | wysig bron]

  1. Paul Robert Magocsi, Historical Atlas of East Central Europe (1993), p.55.
  2. Magocsi (2010), p. 56.
  3. Nicholas V. Riasanovsky, A History of Russia, pp. 23-28 (Oxford Press, 1984).
  4. Internet Encyclopedia of Ukraine Normanist theory
  5. The Russian Primary Chronicle, Encyclopædia Britannica Online; Russian Primary Chronicle Geargiveer 30 Mei 2014 op Wayback Machine, Selected Text, University of Toronto (besoek op 4 Junie 2013).
  6. Riasanovsky, p. 25.
  7. Riasanovsky, pp. 25-27.
  8. 8,0 8,1 David R. Stone, A Military History of Russia: From Ivan the Terrible to the war in Chechnya (2006), pp. 2-3.
  9. Simon Franklin and Jonathan Shepherd, The Emergence of Rus 750–1200 (Harlow, Essex: 1996), pp. 38–39.

Eksterne skakels[wysig | wysig bron]