Ronald Wayne

in Wikipedia, die vrye ensiklopedie
Jump to navigation Jump to search
Ronald Wayne
RonaldWayneMacworld2009.jpg
Wayne by Macworld in 2009
Gebore
Ronald Gerald Wayne

17 Mei 1934
NasionaliteitVlag van Verenigde State van Amerika Verenigde State
BeroepElektoniese ingenieur
Bekend virMedestigter van Apple Inc.

Ronald Gerald (Ron) Wayne (Cleveland, Ohio, 17 Mei 1934), 'n opvoeder en van beroep vir industriële elektronika ingenieur, is die minder bekende derde stigter van Apple Computer, Inc. (saam met Steve Jobs en Steve Wozniak) en word die vergete stigter genoem. Hy het Isaac Newton onder 'n appelboom geteken wat as die eerste logo van Apple gebruik is, en het ook die handleiding vir die Apple I geskryf. Hy het voorts die eerste vennootskapsooreenkoms van Apple opgestel.

Wayne het by Atari, waar Jobs tydelik werk gehad het, gewerk voordat die trio in 1976 met Apple begin het. Hy was deur Jobs by Apple betrokke gekry om te verhoed dat die stemme sou staak as albei Steve's 'n besluit moes neem. Hy het 'n belang van 10% tydens die stigting van die maatskappy sou ontvang. Omdat Wayne nie veel vertroue in die nuwe maatskappy gehad het nie, het hy aangehou werk by Atari. Sy aarseling is waarskynlik veroorsaak deur die feit dat hy vier jaar tevore sy eie ingenieursfirma Siand in Las Vegas moes likwideer. Toe Jobs later gereël het dat Apple onderdele op krediet koop en aan die ander kant 50 rekenaars op rekening af lewer, het Wayne bekommerd geraak dat kliënte nie betyds sou betaal nie en dat Apple se krediteure betaling sou eis. Hy is 'n paar weke na die stigting daarvan vir VS$ 800 uitgekoop. (Bedrae van $ 300 en $ 900 word ook as 'n uitkoopbedrag aangehaal.) Aan die einde van 1977 het Wayne 'n amptelike uitkoopbonus van $ 1 500 ontvang.[1]

Kort daarna belê Mike Markkula meer as VS$ 250 000 in waagkapitaal. In die eerste boekjaar het Apple 'n inkomste van $ 174 000 gehad, en in 1982 het Apple vir die eerste keer omset van meer as een miljard dollar gehad. Wayne se aandeel sou meer as $ 6 miljard werd gewees het. Hy het egter beweer dat hy nie spyt was dat hy sy aandeel verkoop het nie, omdat hy die beste besluit geneem het wat hy destyds kon geneem het.

Volgens CNET het Wayne in 1997 as 'n ingenieur in Salinas, Kalifornië gewerk by 'n maatskappy wat vir die Verenigde State se departement van verdediging gewerk het. Later het hy na Nieu-Seeland geëmigreer.

Verwysings[wysig | wysig bron]

  1. Martin, Emmie (2 Augustus 2018). "Apple hit a $1 trillion market cap—here's why its third co-founder sold his 10% stake for $800". CNBC (in Engels). Geargiveer vanaf die oorspronklike op 15 Maart 2020. Besoek op 2 Augustus 2018.

Eksterne skakels[wysig | wysig bron]