Rosa Parks

in Wikipedia, die vrye ensiklopedie
Spring na: navigasie, soek
Rosa Parks
Rosa Parks, saam met Martin Luther King Jr. in die agtergrond, ongeveer 1955
Geboortenaam Rosa Louise McCauly
Gebore 4 Februarie 1913
Tuskegee, Alabama, V.S.A.
Oorlede 24 Oktober 2005 (op 92)
Detroit, Michigan, V.S.A.
Nasionaliteit Vlag van Verenigde State van Amerika Verenigde State
Beroep Burgerlike regte aktivis
Bekend vir Montgomery busboikot
Eerbewyse Presidential Medal of Freedom en Congressional Gold Medal
Religie Metodis
Huweliksmaat Raymond Parks (1932-1977)
Rosa Parks Signature.svg

Rosa Louise McCauley Parks (Tuskegee, 4 Februarie 1913Detroit, 24 Oktober 2005) was 'n swart Amerikaanse burgerlike regte aktivis wat internasionale bekendheid verwerf het vir haar rol om die Montgomery busboikot te ontketen. Op 1 Desember 1955 het Parks geweier om haar sitplek in 'n bus prys te gee vir 'n wit passasier nadat die wit afdeling van die bus vol was. Sy was gevolglik gearresteer vir haar minagting van Alabama se rasseskeidingwette, en is ook afgedank van haar werk as kommersiële naaldwerkster omdat haar protesaksie wye publisiteit ontvang het.

Kortliks na die busboikot het Parks na Detroit verhuis, waar sy vir eers soortgelyke werk gekry het, en haar uiteindelik gevestig het in 'n beroep as ontvangsdame vir die Amerikaanse kongreslid John Conyers. Na haar aftrede het sy 'n outobiografie geskryf en in haar laaste jare aan demensie gely. Na haar dood is sy met al die plegtighede van 'n staatsbegrafnis geëer.