Rosanna Davison

Rosanna Davison
Rosanna Davison in 2016
Gebore	17 April 1984 County Dublin, Ierland
Nasionaliteit	Ierland
Bekend vir	Mej. Wêreld 2003
Eggenoot	Wesley Quirk
Kinders	3
Ouer(s)	Chris de Burgh Diane Davison

Rosanna Diane Davison (gebore 17 April 1984) is 'n Ierse aktrise, sangeres, skrywer, model en skoonheidskoningin wat as Mej Wêreld 2003 gekroon is. Sy is die dogter van musikant Chris de Burgh, en die liedjie "For Rosanna" is deur haar pa geskryf vir sy 1986-album, Into the Light in haar eer.

Opvoeding

Davison is in County Dublin, Ierland, gebore. Haar laerskoolopleiding was by Aravon School, in County Wicklow. Sy het daarna die Rathdown School, Glenageary, County Dublin, bygewoon. Sy was klasprefek voordat sy gegradueer het en haar finale sertifikaateksamen in 2002 voltooi het.

Mejuffrou wêreld

In Augustus 2003 het sy vir die Mej. Ierland-finaal in Dublin ingeskryf, en na sy die kompetisie gewen het, kon sy meeding om die titel van Mej Wêreld. In Desember 2003 het Davison, saam met 106 ander deelnemers, aan die Mej Wêreld-kompetisie in Sanya, China, deelgeneem. Rosanna het die kroon gewen, die eerste Ierse deelnemer wat die Mej. Wêreld-titel wen sedert dit in 1951 begin het. Tydens Davison se bewind het sy die Verenigde Koninkryk, die Verenigde State, Kanada, China en Sri Lanka besoek.

Persoonlike lewe

Davison is in 2014 met Wesley Quirk getroud. Hulle het hul wittebrood in die Seychelle gehou. Hulle het een dogter en tweelingseuns.

Verwysings

Voorafgegaan deur Azra Akın

Mej. Wêreld 2003

Opgevolg deur Maria Julia Mantilla