SPAD S.XIII

in Wikipedia, die vrye ensiklopedie
Spring na: navigasie, soek
SPAD S.XIII
SPAD XIII 040510-F-1234P-019.jpg
SPAD S.XIII in die kleur van Kapt. Eddie Rickenbacker, V.S. 94ste Aero Squadron te sien by die National Museum of the U.S. Air Force naby Dayton, Ohio.
Tipe Vegvliegtuig
Vervaardiger Société Pour L'Aviation et ses Dérivés
Ontwerp deur Louis Béchéreau
Nooiensvlug 4 April 1917
Hoofgebruikers Franse Lugmag
United States Army Air Forces
Britse Lugmag
Italiaanse Lugmag
Belgiese Lugmag
Aantal gebou 8 472

Die SPAD S.XIII is 'n Franse dubbeldekker vegvliegtuig wat tydens die Eerste Wêreldoorlog diens gedoen het. Dit was ontwikkel deur Société Pour L'Aviation et ses Dérivés (SPAD) uit die SPAD S.VII. Dit was ontwerp as 'n teenvoeter vir die Duitse vliegtuie wat oor twee masjiengewere beskik het. Die het 'n groter vlerkspan gehad en kragtiger motor terwyl sy vuurkrag ook verdubbel het teenoor die S.VII. Die Franse vlieëniers was gaande oor die vliegtuig en die Franse regering het onmiddelik 2,000 van hulle bestel. Daar was later meer as 8,000 gebou. Die Franse Magte is Mei 1917 met die vliegtuig uit gereik; dit het die S.VII en die Nieuport vervang. Die Franse bobaasvlieëniers soos Charles Nungesser, Fonck en Guynemer het die vliegtuig gebruik.

Behalwe die Franse Lugmag, het die voorloper van die Britse Lugmag, die Royal Flying Corps asook die lugmagte van Italië en België die vliegtuig gebruik. Die Amerikaanse Air Service het ook die vliegtuig gebruik vanaf Maart 1918 en het teen die einde van die oorlog 893 besit. Gedurende 1917 en 1918 het die vliegtuig sy man gestaan teen die Duitse vliegtuie en was eers teen die einde van die oorlog oorskadu deur die Fokker D.VII. Toe die oorlog eindig was 'n bestelling vir nog 10,000 eenhede gekanselleer.

Tegniese besonderhede[wysig | wysig bron]

Spad XIII 3 vues.jpg
Besonderhede van die SPAD S.XIII:
Item Statistiek
Aantal motors 1
Tipe motor Skroef
Vervaardiger Hispano-Suiza 8Be suierenjin
Kraglewering per motor 220 perdekrag
Vlerkspan 8,1 m
Lengte 6,3 m
Hoogte 2,35 m
Vlerkoppervlakte 20,2 m2
Maksimum opstygmassa 845 kg
Maksimum snelheid 215 km/h
Operasionele hoogte 6 650 m
Uithouvermoë 2 ure
Klimvermoë 2 000 m in 4 minute en 40 sekondes
Bewapening Twee gesinchroniseerde 7,7 mm masjiengewere.

Sien ook[wysig | wysig bron]

Bron[wysig | wysig bron]