Saïs

Saïs
Koördinate	30°57′53″N 30°46′6″O
Plaaslike naam	صا الحجر‎, Sa al-Hagar Zaoe
Land	Egipte
Soort	Nedersetting
Geskiedenis
Gestig	Omstreeks 4000 v.C.
Tydperk	Antieke Egipte

’n Kaart van Benede-Egipte wat die ligging van Saïs aandui.

Saïs (Grieks: Σάϊς, Arabies: صا الحجر, Sa al-Hagar) was ’n stad van Antieke Egipte in die westelike Nyldelta. Dit was die hoofstad van die vyfde nomos (distrik) van Benede-Egipte en het die hoofsetel van mag geword tydens die 24ste Dinastie (omstreeks 732–720 v.C.) en die 26ste Dinastie (664–525 v.C.) in die Laat Tydperk. Sy Egiptiese naam was Zaoe.

Oorsig

Zaoe in hiërogliewe

Die stad se naam kom al sedert die Ou Ryk van Egipte in tekste voor. Opgrawings wys egter dit kon reeds in 4000 v.C. bestaan het.

Volgens Herodotus was Saïs die ligging van Osiris se graf en is die god se lyding op ’n aangrensende meer vertoon as ’n misterie in die nag. Die stad se beskermingsgodin was Neith, wie se kultus tot in die 1ste Dinastie terugstrek, omstreeks 3100-3050 v.C. Die Grieke soos Herodotus, Plato en Diodorus Siculus het haar met die Griekse godin Athena verbind en Saïs dus met Athene.

Vandag is daar geen bewyse van Saïs se bestaan voor die laat Nuwe Ryk (omstreeks 1100 v.C.) nie weens die grootskaalse verwoesting van die stad deur boere wat die geboue se modderstene verwyder het om as kunsmis te gebruik.

Mediese skool

Die Tempel van Saïs is verbind met ’n mediese skool, nes baie ander tempels van Antieke Egipte. Die skool by Saïs het baie vrouestudente gehad en blykbaar ook ’n fakulteit vir vroue. ’n Inskripsie wat in die stad behoue gebly het, lui: "Ek het van die mediese skool by Heliopolis gekom en aan die vroueskool by Saïs studeer, waar die goddelike moeders my geleer het om siektes te genees."

Eksterne skakels

• Argeologiese beskrywing van Saïs
• Amptelike webtuiste van die Universiteit van Durham

• Wikimedia Commons het meer media in die kategorie Saïs.
• Hierdie artikel is vertaal uit die Engelse Wikipedia