Saint-Palais, Pyrénées-Atlantiques

in Wikipedia, die vrye ensiklopedie
Saint-Palais
'n Uitsig oor Saint-Palais
'n Uitsig oor Saint-Palais
Wapen van Saint-Palais
Wapen
Saint-Palais is in Frankryk
Saint-Palais
Saint-Palais
Koördinate: 43°19′45″N 1°01′57″W / 43.32917°N 1.03250°W / 43.32917; -1.03250Koördinate: 43°19′45″N 1°01′57″W / 43.32917°N 1.03250°W / 43.32917; -1.03250
LandVlag van Frankryk Frankryk
Gewes (region) Akwitanië
Département Pyrénées-Atlantiques
ArrondissementBayonne
KantonSaint-Palais
Regering
 • BurgemeesterJean-Jacques Loustaudaudine
Oppervlak
 • Totaal7,44 km2 (2,87 vk. myl)
Hoogte
52–263 m (171–863 ft)
Bevolking
 • Totaal1 875
 • Digtheid252/km2 (650/vk. myl)
Poskode
64120
Skakelkodes64493

Saint-Palais (Baskies: Donapaleu) is 'n dorpie geleë in die Franse département Pyrénées-Atlantiques in die région Akwitanië. Dit is ook in die voormalige Franse provinsie Neder-Navarra, deel van die Franse Baskeland, waarvan dit vir 'n tydlank die hoofstad was. Die dorpie se naam kom van San Palay en gedenk Pelayo, 'n tienerseun wat in ongeveer 850 in Cordoue gemartel is.

Die dorpie is die hoofstad van die pays de Mixe streek. Die dorpie se water kom van die Bidouze, wat in die kalksteen berge van Arbailles ontstaan, en die rivier se sytak die Joyeuse.

Geskiedenis[wysig | wysig bron]

Die wapen van Saint-Palais met die leuse : De gueules aux chaînes d’or posées en pal, en sautoir et orle, chargées en cœur d’une émeraude au naturel.

Die dorpie is aan die begin van die 13de eeu deur die Koninklike Navarrese as 'n nuwe dorp of Iriberri gestig. Die is uitgelê aan weerskante van die Rue du Palais de Justice en is omring deur mure en gragte waar die huidige Rue Gambetta geleë is. Charles II van Navarra het die dorp in 1351 magtiging gegee om munte te slaan. Die munt het sy aktiwiteite is in 1672 gestaak. Jean d'Albret het in 1472 onder die foires regte verskaf insluitend: Vrydagmark, skaapmark op Woensdae in die winter en perde skou op Paasmaandag. In die 16de eeu, na die anneksasie van Pamplona deur Kastilië, het Henri die kanselary gestig en die eerste state-generaal van Navarra wat Lodewyk XIII na Pau verskuif het. Die koning se huis het as stadsaal gedien; die hofmeier (sénéchaussée) het dit in 1639 sy setel gemaak.

Saint-Palais se ontwikkeling is te danke aan die pelgrimreise. 'n Edik van Lodewyk XVI in November 1784 het 'n einde gebring aan die aktiwiteite van die hospices van Utziat in Arros, van Harambelts in Ostabat, en van Saint-Palais, om 'n hospitaal in Saint-Palais te stig, "die hoofstad van ons Koninkryk van Navarra."

Die wet van 4 Maart 1790, wat 'n nuwe administratiewe bedeling in Frankryk gevestig het deur die skep van departemente en distrikte het gelei tot die stigting van die département van Basses-Pyrénées waarin Béarn, die Gaskonse gebied van Bayonne ean Bidache, en die drie provinsies van Franse Baskeland verenig is. Vir die drie laasgenoemdes is drie distrikte geskep: Mauléon, Saint-Palais en Ustaritz, wat die baillage van Labourd vervang het. Deur die misbruik van hulle magte het die plaaslike amptenare die setel van Ustaritz byna onmiddellik na Bayonne verskuif. Die opdrag het talle munisipaliteite aangespoor om nuwe name aan te neem wat ooreengekom het met die gees van die Franse Rewolusie. Saint-Palais is dus na Mont-Bidouze herdoop, Ustaritz het Marat-sur-Nive geword, Itxassou Union, Arbonne Constante, Saint-Étienne-de-Baïgorry Thermopyles, Saint-Jean-Pied-de-Port Nive-Franche, Louhossoa Montagne-sur-Nive, Saint-Jean-de-Luz Chauvin-Dragon, Ainhoa Mendiarte en Souraïde Mendialde.

‎Eksterne skakels[wysig | wysig bron]