Saturn V

in Wikipedia, die vrye ensiklopedie
Spring na: navigasie, soek
Die laaste bemande Saturn V-vuurpyl, voor die gebruik van Apollo 17.

Saturn V is ’n Amerikaanse vuurpyl wat van 1966 tot 1973 deur NASA in die Apollo- en die Skylab-program gebruik is. Dit is ’n eenmalige lanseringsvoertuig wat nie weer gebruik kan word nie. Dit is die kragtigste vuurpyl wat nog in ruimtevaart gebruik is en bly tot vandag die enigste vuurpyl wat ’n bemande vlug na ’n lae-aardewentelbaan (buite die invloedsfeer van die aarde) geneem het tydens die Apollo-program. Die vuurpyl is ontwikkel om die Apollo-maanlandings moontlik te maak, maar is ook gebruik om die Skylab-ruimtestasie na ’n lae-aardewentelbaan te lanseer. Dit is die grootste vuurpyl in die Saturn-vuurpylreeks. Dit is op 9 November 1967 die eerste keer vir Apollo 4 gebruik.

’n Saturn V op uitstalling voor die Lyndon B. Johnson-ruimtesentrum.

Die vuurpyl is onder leiding van Wernher von Braun en Arthur Rudolph ontwerp.