Scoville-skaal

Rissie-stalletjie by 'n mark in Houston, Texas, wat sy soetrissies volgens die Scoville-skaal wys.

Die Scoville-skaal meet die brand- of skerp smaak van rissies.

Die Carolina Reaper is sedert 2012 die rissie met die skerpste smaak in die wêreld met meer as een en ‘n half miljoen eenhede op die Scoville-skaal. Enkele van hierdie rissies is gemeet wat eenhede lewer van net meer as twee miljoen. Meesal is die skerpste rissie wat ons ken die Habanero-rissie wat 300 000 eenhede meet. Tabasco lewer net oor die 5 000 en jalapeño wissel tussen die 2 500 en die 30 000. Die groen, rooi en geel soetrissies, dus die bekende paprika, het geen brandsmaak nie en verteenwoordig dus nul op die Scoville-skaal.

Let wel: Die kapsaïsien wat die skep smaak veroorsaak, is in ‘n wisselende mate dwarsdeur elke rissie versprei, maar in die sade (die pitte) kom geen kapsaïsien voor nie.

Wilbur L. Scoville was ‘n Amerikaanse farmaseutiese chemikus wat na sy navorsing hierdie skaal in 1912 ontwerp het.

Lees ook

• Brandrissie

Bibliografie

• alimentarium.org/en/story/scoville-scale
• Hofmeyr, Jannie: Wat veroorsaak die brand in ‘n rissie? In: Fourie, Danny (samesteller): Hoe verklaar jy dit? Interessante vrae en antwoorde oor die wêreld en lewe om ons. Kaapstad: Penguin, 2016. ISBN 978-1-77609-049-5
• scovillescale.org
• usatoday.com/story/life/food-dining/2024/02/22/what-is-the-hottest-pepper-in-the-world/