Seealpe

in Wikipedia, die vrye ensiklopedie
Die Seealpe

Die Seealpe (Frans: Alpes Maritimes, Italiaans: Alpi Marittime) is 'n bergreeks in die westelike deel van die Alpe, in die grensgebied tussen Frankryk en Italië. Die Cottiese Alpe sluit in die noorde en die Provensaalse Alpe in die weste by die Seealpe aan. Hulle word in die ooste deur die bergpas Colle di Tenda van die Liguriese Alpe geskei. Uitlopers van die Seealpe strek in die suide tot by die kus van die Middellandse See.

Die hoogste bergspits is die Punta Argentera met 3 297 meter, terwyl die Mont Clapier die suidelikste bergpiek van die Alpe met 'n hoogte van meer as 3 000 meter is. Groot dele van die Seealpe is geleë in die Nasionale Park Mercantour.