Selters (Taunus)

in Wikipedia, die vrye ensiklopedie
Selters (Taunus)
Dorp
Die Selters-mineraalwaterbron in Niederselters
Die Selters-mineraalwaterbron in Niederselters
Amptelike seël van Selters (Taunus)
Seël
Ligging in die deelstaat Hesse
Ligging in die deelstaat Hesse
Selters (Taunus) is in Duitsland
Selters (Taunus)
Selters (Taunus)
Ligging in Duitsland
Koördinate: 50°21′N 08°15′O / 50.350°N 8.250°O / 50.350; 8.250Koördinate: 50°21′N 08°15′O / 50.350°N 8.250°O / 50.350; 8.250
LandVlag van Duitsland Duitsland
DeelstaatHesse
Administratiewe streekGießen
Administratiewe distrikLimburg-Weilburg
Regering
 • BurgemeesterBernd Hartmann (onafhanklik)
Oppervlak
 • Totaal40,47 km2 (15,63 vk. myl)
Hoogte
249 m (817 ft)
Bevolking
 • Totaal8 342[1]
 • Digtheid206,1/km2 (534/vk. myl)
TydsoneUTC+1:00 (MET)
 • SomertydUTC+2:00 (MEST)
Poskode
65618
Skakelkodes06483 (Haintchen 06475)
Webwerfwww.selters-taunus.de

Selters (Taunus) is 'n nedersetting in die administratiewe distrik Limburg-Weilburg van die Duitse deelstaat Hesse. Die munisipaliteit is in 1974 as gevolg van administratiewe hervormings in Hesse deur die samesmelting van vier dorpe gevorm - Niederselters (wat ná die samesmelting as administratiewe setel dien), Eisenbach, Münster en Haintchen.[2]

Die geskiedenis van Niederselters strek meer as 1200 jaar terug. Die dorp word veral verbind met sy mineraalwaterbron en die befaamde mineraalwater wat hier gebottel en na alle wêrelddele uitgevoer word. In Duitsland het mineraalwater uit dié bron so gewild geraak dat die dorpsnaam Selters as 'n sinoniem vir mineraalwater gebruik word. Die terme selters of selterswater is ook in baie ander tale oorgeneem.

19de eeuse steenwarebottels uit die Kannenbäckerland waarin mineraalwater bemark en ook na ander wêrelddele uitgevoer is
Turmmuseum Mengerskirchen, Hesse

Die eerste gedokumenteerde verwysing na die mineraalwaterbron as Seltersbron dateer van 1536, terwyl die eerste afbeeldings uit die 18de eeu oorgelewer is. Die oudste verwysings na die dorpsnaam kom egter reeds in die hoë middeleeue voor. Dokumente, wat in die kloosters van Lorsch en Fulda ontstaan het, noem die plek Seltrisa of Saltrissa. Die etimologiese betekenis daarvan dui daarop dat die mineraalwaterbron reeds in die regeringstyd van Karel die Grote bekendgestaan het.

Maar ers in die regeringstyd van die keurvorste van Trier, wat die bewind oor Niederselters volgens die Verdrag van Diez in 1564 oorgeneem het, het die plaaslike mineraalwaterbron internasionale bekendheid verwerf. Mineraalwater uit Selters is in steengoedkruike uit die Kannenbäckerland ('n streek wat na sy befaamde pottebakkerye vernoem is) na gebiede soos Skandinawië, Rusland, Noord-Amerika, Afrika en selfs, soos in dokumente van 1791 oorgelewer is, Batavia in Nederlands-Oos-Indië.

Verwysings[wysig | wysig bron]

  1. "Gemeinde Selters (Taunus): Zahlen - Daten - Fakten. Besoek op 3 April 2015". Geargiveer vanaf die oorspronklike op 4 Maart 2016. Besoek op 3 April 2015.
  2. "www.selters-taunus.de: Kurzer geschichtlicher Überblick". Geargiveer vanaf die oorspronklike op 15 Maart 2014. Besoek op 3 April 2015.