Shirley Bassey
Shirley Bassey | |
|---|---|
 Shirley Bassey in 2006 | |
| Agtergrondinligting | |
| Geboortenaam | Shirley Veronica Bassey |
| Gebore | 8 Januarie 1937 Tiger Bay, Cardiff, Wallis |
| Genres | Popmusiek |
| Beroep(e) | Sangeres |
| Instrumente | Stem |
| Jare aktief | 1953–nou |
| Webwerf | dameshirleybassey.com |
Shirley Bassey (gebore 8 Januarie 1937) is ’n Britse popsangeres wat in Wallis gebore is.[1][2][3] Sy is veral bekend vir haar emosionele vertonings en noupassende duur rokke.[4] Sy was een van die gewildste vroulike sangers in Brittanje gedurende die laaste helfte van die 20ste eeu.[1][5] Onder haar bekendste liedjies tel This is My Life en Hey, Big Spender. Sy is ook bekend vir die titelliedjies van drie James Bond-films: Goldfinger (1964), Diamonds Are Forever (1971) en Moonraker (1979).
Beknopte biografie
[wysig | wysig bron]Shirley Veronica Bassey is op 8 Januarie 1937 in Tiger Bay, Cardiff in Wallis van 'n Engelse ma en 'n Nigeriese pa gebore. Sy is die jongste uit 'n gesin van sewe kinders. Haar ouers skei toe sy drie jaar oud is. Bassey verlaat op vyftienjarige leeftyd skool en begin in 'n fabriek te werk. Saans en oor naweke tree sy by plaaslike kroeë en klubs op. In 1953 kry sy 'n rol in die musiekblyspel Memories of Jolson, oor die lewe van Al Jolson.
Bassey se eerste huwelik met Kenneth Hume (van 1961–1965) eindig in 'n egskeiding. Haar tweede eggenoot was Sergio Novak. Bassey en Novak was van 1968 tot 1977 getroud gewees. Novak was tydens hul huwelik ook haar bestuurder. Bassey het twee dogters en 'n aangenome seun. Haar oudste dogter (Sharon) is gebore toe Bassey sewentien was. Bassey se jongste dogter (Samantha) is in 1985 dood aangetref, nadat sy waarskynlik vanaf die Clifton-suspensiebrug in Bristol, Engeland gespring het. Bassey wou egter nooit aanvaar dat haar dogter selfmoord gepleeg het nie.
_d%C3%A9but_des_ann%C3%A9es_70.jpeg)
In die jare sestig en sewentig behaal sy groot sukses in (veral) die Verenigde Koninkryk en die Verenigde State. In die 1980's spits sy haar hoofsaaklik op liefdadigheidswerk toe. Aan die einde van die 1990's keer sy terug met die treffer History Repeating (in samewerking met die Britse dans-duo, die Propellerheads), wat 'n nuwe generasie aan haar musiek blootstel.
In 2000 word sy deur die Engelse koningin Elizabeth II tot 'Dame' benoem.
Verwysings
[wysig | wysig bron]- ↑ 1,0 1,1 Allmusic bio
- ↑ Hattenstone, Simon (24 Oktober 2009). "Shirley Bassey Interview" (in Engels). London: The Guardian. Geargiveer vanaf die oorspronklike op 3 Desember 2011. Besoek op 20 November 2009.
- ↑ Roberts, David (2006). British Hit Singles & Albums (19th uitg.). London: Guinness World Records Limited. pp. 44–45. ISBN 1-904994-10-5.
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Paphides, Pete (30 Oktober 2009). "Dame Shirley Bassey: The Performance review – CD reviews – music – Times Online". Times Online website. London: Times Newspapers Ltd. Besoek op 10 Desember 2009. "Welsh diva thrives on new material written by artists half her age"
Eksterne skakels
[wysig | wysig bron]- Songs of Shirley Bassey (en)
- Shirley Bassey in die Internet-rolprentdatabasis
Wikimedia Commons het meer media in die kategorie Shirley Bassey.
Normdata  |
|
|---|