Sianobakterie

in Wikipedia, die vrye ensiklopedie
Spring na: navigasie, soek
Sianobakterieë
Tydperk: 3500–0 m. jaar gelede
Tolypothrix sp.
Wetenskaplike klassifikasie
Domein: Bacteria
Koninkryk: Eubacteria
Filum: Cyanophyta

Sianobakterieë of wat dikwels -ontereg- ook blougroen alge of -meer tereg- blougroen bakterieë genoem word is prokariotiese organismes wat fotosintese vermag. Hulle word in die filum Cyanophyta geplaas.

Hulle is akwaties (in water lewend) en dikwels eensellig, hoewel hulle ook matte kan vorm, wat hulle blougroen kleur verraai. Hulle is een van die oudste lewensvorme op aarde en het dalk reeds 3,5 miljard jaar gelede bestaan. Fossiele matte wat stromatoliete genoem word het veral die Mesoproterosoïkum oorheers en kan vandag nóg op talle plekke aangetref word.[1]

Sianobakterieë kan skadelik vir mens en dier wees. Twee derdes van Suid-Afrika se damme het in 2015 hierdie organismes bevat volgens navorsing van Matthews en Bernard[2] Dit is gewoonlik die gevolg van die feit dat water hoogs verryk is met voedingstowwe (nitrate, fosfate) uit die landbou wat die water hipertrofies maak. Die organismes kan by hoë konsentrasies 'n soort mat of skuim vorm. Vee wat hierdie skuim inkry, sal vrek.

Taksonomie[wysig | wysig bron]

Mikrobioloë stem nie altyd saam oor die taksonomie nie. Die NCBI gee naas talle Cyanophyta incert. sed. hierdie agt ordes:[3]

  1. Chroococcidiopsidales
  2. Gloeobacteria
  3. Gloeoemargaritales
  4. Nostocales
  5. Oscillatoriophycideae
  6. Pleurocapsales
  7. Spirulinales
  8. Synechococcales

Verwysings[wysig | wysig bron]