Silikon-29

In teenstelling tot silikon-28 is hierdie isotoop geen primêre nukleosintesekern nie, maar 'n sekondêre een. Sterre wat aanvanklik net waterstof en helium bevat kan baie silikon-28 lewer as hulle as supernova ontplof, maar geen silikon-29 nie. Hierdie isotoop word net volop in 'n kern-ineenstorting-supernova tipe II vervaardig. Dit vereis 'n ster wat aanvanklik ook koolstof en suurstofkerne bevat. Dit verklaar waarom ²⁹Si baie minder op aarde aanwesig is as ²⁸Si.^[2]

KMR[wysig | wysig bron]

Silikon-29 is die enigste stabiele isotoop wat aan kernresonansie onderwerp kan word. Dit het 'n gunstige I=1/2-kernspin, maar die gevoeligheid en die aanwesigheid is nie so gunstig nie. In die natuurlike samestelling is die gevoeligheid 3,68 x 10^-4 keer die proton s'n, wat ongeveer twee keer die gevoeligheid van koolstof-13 verteenwoordig. Die resonansiefrekensieverhouding is 19,867187%. Die bereik van die chemiese verskuiwings is taamlik groot, ongeveer 519 dpm. 'n Probleem is dat die KMR-buisies wat gewoonlik gebruik word self silikon bevat en 'n breë piek van -100 tot -130 dpm lewer. Indien die monster ook in hierdie gebied 'n sein lewer, moet dit óf afgetrek word, óf 'n ander buisiemateriaal gebruik word.^[3]

Vastetoestand-KMR word ook op ²⁹Si aangewend. Dit lewer inligting oor die verskillende kristallografiese posisies wat silikon in 'n kristalrooster inneem. In silikaliet, 'n ZSM-5 zeoliet kan byvoorbeeld 20 van die 24 kristallografiese posisies as pieke waargeneem word. In amorfe materiale versmelt die pieke egter, en vorm een breë piek.^[4] 'n Ander voorbeeld van 'n stof wat met hierdie metode bestudeer is is dioptaas.^[5]

Geochemie[wysig | wysig bron]

Die isotoopverhouding 29/28 word nes die 30/28-verhouding in die geochemie as navorsingsmetode gebruik.

\delta ^{29}Si=\left({{\frac {{\frac {Si^{29}}{Si^{28}}}_{monster}}{{\frac {Si^{29}}{Si^{28}}}_{standaard}}}-1}\right)*1000

‰

Verwysings[wysig | wysig bron]

↑ ^1,0 ^1,1 ^1,2 ^1,3 The NUBASE evaluation of nuclear and decay properties G. Audi, O. Bersillon, J. Blachot, A.H. Wapstra IUPAC
↑ Handbook of Isotopes in the Cosmos: Hydrogen to Gallium Donald Clayton Cambridge University Press, 2007, ISBN 0-521-53083-0, ISBN 978-0-521-53083-5
↑ Hebreeuse Universiteit van Jerusalem
↑ Solid-State NMR II: Inorganic Matter Deel 31 van NMR Basic Principles and Progress B. Blümich, D. Brinkmann, G. Engelhardt, C. Jäger, H. Koller, M. Mali, H. Pfeifer, A. SebaldSpringer Science & Business Media, 2013, ISBN 3-642-50049-8, ISBN 978-3-642-50049-7
↑ Ground state of the spin-1/2 chain of green dioptase at high fields Kazuki Matsui, Masashi Fujisawa, Kenta Hagiwara, Yukihiro Hoshini, Takayuki Goto, Takahiko Sasaki, Hidekazu Tanaka,Susumu Okubo, Hitoshi Ohta 2013

Hierdie chemie-verwante artikel is 'n saadjie. U kan die wikipedia help deur dit uit te brei.

[nndc-1] 1,0 ^1,1 ^1,2 ^1,3 The NUBASE evaluation of nuclear and decay properties G. Audi, O. Bersillon, J. Blachot, A.H. Wapstra IUPAC

[2] Handbook of Isotopes in the Cosmos: Hydrogen to Gallium Donald Clayton Cambridge University Press, 2007, ISBN 0-521-53083-0, ISBN 978-0-521-53083-5

[3] Hebreeuse Universiteit van Jerusalem

[4] Solid-State NMR II: Inorganic Matter Deel 31 van NMR Basic Principles and Progress B. Blümich, D. Brinkmann, G. Engelhardt, C. Jäger, H. Koller, M. Mali, H. Pfeifer, A. SebaldSpringer Science & Business Media, 2013, ISBN 3-642-50049-8, ISBN 978-3-642-50049-7

[Jpn-5] Ground state of the spin-1/2 chain of green dioptase at high fields Kazuki Matsui, Masashi Fujisawa, Kenta Hagiwara, Yukihiro Hoshini, Takayuki Goto, Takahiko Sasaki, Hidekazu Tanaka,Susumu Okubo, Hitoshi Ohta 2013

[1]

[2]

[3]

[4]

[5]