Skerpioen (sterreteken)

in Wikipedia, die vrye ensiklopedie
Skerpioen (Scorpio)
Die astrologiese simbool van die Skerpioen

Die Skerpioen (Lat: Scorpio) is die Westerse astrologiese teken van mense wat tussen ongeveer 24 Oktober en 22 November gebore is. Dit is die agtste teken van die Diereriem.

Die Skerpioen is een van die drie watertekens en vier vaste tekens. Dis ’n vroulike, negatiewe, introverte teken en is vergelykbaar met die Vark van die Chinese diereriem.[1] Die tradisionele heerser van die Skerpioen is Mars en meer onlangs ook Pluto.

Skerpioene kom volgens die astrologie goed oor die weg met lede van die ander watertekens, Visse en Kreef, asook met Maagde en Steenbokke. Die teenpool van die teken is die Bul.

Agtergrond[wysig | wysig bron]

Jou son- of sterreteken het betrekking op die stand van die Son tydens jou geboorte. Astroloë verdeel die Diereriem, die denkbeeldige gordel aan die hemelruim waarlangs die planete beweeg, in twaalf dele: die son- of sterretekens. Die "sterrebeelde" is eintlik die astronomiese konstellasies aan die hemelruim en kom weens die presessie van die nageweningspunte nie meer ooreen met die twaalf tekens wat in die astrologie gebruik word nie.

Verwysings[wysig | wysig bron]

Hierdie artikel is merendeels vertaal vanaf die Nederlandse Wikipedia-artikel nl:Schorpioen (astrologie)
  1. Theodora Lau, The Handbook of Chinese Horoscopes, pxxvii, Souvenir Press, Londen, 2005

Eksterne skakels[wysig | wysig bron]