Visse (sterreteken)

in Wikipedia, die vrye ensiklopedie
Spring na: navigasie, soek
Visse (Pisces)
Die astrologiese simbool van die Visse

Die Visse (Lat: Pisces) is die Westerse astrologiese teken van mense wat tussen ongeveer 20 Februarie en 20 Maart gebore is. Dit is die twaalfde en laaste teken van die Diereriem.

Die Visse is een van die drie watertekens en vier beweeglike tekens. Dis ’n vroulike, negatiewe, introverte teken en is vergelykbaar met die Konyn van die Sjinese Diereriem.[1] Die tradisionele heerser van die Visse is Jupiter, en Neptunus het ná sy ontdekking bygekom as medeheerser.

Visse kom volgens die astrologie goed oor die weg met lede van die ander watertekens, Kreef en Skerpioen, asook met Bulle en Steenbokke.

Agtergrond[wysig]

Jou son- of sterreteken het betrekking op die stand van die Son tydens jou geboorte. Astroloë verdeel die Diereriem, die denkbeeldige gordel aan die hemelruim waarlangs die planete beweeg, in twaalf dele: die son- of sterretekens. Die "sterrebeelde" is eintlik die astronomiese konstellasies aan die hemelruim en kom weens die presessie van die nageweningspunte nie meer ooreen met die twaalf tekens wat in die astrologie gebruik word nie.

Verwysings[wysig]

Hierdie artikel is merendeels vertaal vanaf die Nederlandse Wikipedia-artikel [1]
  1. Theodora Lau, The Handbook of Chinese Horoscopes, pxxvii, Souvenir Press, Londen, 2005

Eksterne skakels[wysig]