Sohail Inayatullah

in Wikipedia, die vrye ensiklopedie
Jump to navigation Jump to search
Sohail Inayatullah

Sohail Inayatullah is 'n Pakistans-Australiese toekomsstudienavorser en besoekende professor verbonde aan die Graduate Institute of Futures Studies (Tamkang Universiteit) in Taipei, Taiwan.

Akademiese bydraes[wysig | wysig bron]

Inayatullah is veral bekend vir die ontwikkeling en bekendstelling van die toekomsstudiemetodiek van kousale gelaagde analise (KGA).

KGA word vir die eerste keer as 'n toekomsstudie tegniek voorgestel in sy artikel in die toekomsstudievaktydskrif Futures in 1998. Kousale gelaagde analise is 'n tegniek wat gebruik maak van analise op vier verskillende vlakke, gefokus op 'n onderwerp onder beskouing, in 'n poging om 'n geïntegreerde insig in veral moontlike toekomsbeelde en -tendense te verkry. Volgens Inayatullah is die uitdaging om die navorsing te doen terwyl op en af tussen die verskillende lae (vlakke) beweeg word. KGA help om inklusief te wees ten opsigte van die verskillende maniere van kennisverkryging. Inayatullah het twee werke oor KGA en die toepassing daarvan saamstel naamlik die CLA Reader in 2004 en CLA 2.0 in 2015.

Akademiese posisies[wysig | wysig bron]

Buiten sy rol aan die Tamkang Universiteit, is Inayatullah 'n hulpprofessor aan die "Centre for Policing, Intelligence and Counter-Terrorism", Macquarie Universiteit, Sydney, asook hulpprofessor aan die Universiteit van die Sunshine Coast (Fakulteit van Sosiale Wetenskappe en die Kunste).

Rol in akademiese publikasies en webpublikasies[wysig | wysig bron]

Inayatullah was 'n mederedakteur (saam met Clement C.P. Chang en Jian-Bang Deng) van die Journal of Futures Studies, 'n toekomsstudie vaktydskrif. Hy is ook geassosieerde redakteur van die New Renaissance en op die redaksionele raad van Futures, Development, Peace and Democracy in South Asia, en Foresight.

Inayatullah en sy eggenote, Ivana Milojevic, bestuur ook die webwerf Metafuture.org.

Ander Affilasies[wysig | wysig bron]

Inayatullah is lid van die "World Future Society" en die "World Futures Studies Federation".

Bronne[wysig | wysig bron]

  • Inayatullah, S. & Milojević, I. (Eds.). 2015. CLA 2.0: Transformative Research in Theory and Practice. Tamkang: Tamkang University Press.
  • Inayatullah, Sohail (January–February 2014). "Causal Layered Analysis Defined". The Futurist. World Future Society. 48 (1).
  • Inayatullah, S. 2004. Causal Layered Analysis: Theory, Historical Context and Case Studies. In Inayatullah, S. (Ed.), The Causal Layered Analysis (CLA) Reader: Theory and Case Studies of an Integrative and Transformative Methodology. Tamkang: Tamkang University Press.
Hierdie artikel is in sy geheel of gedeeltelik vanuit die Engelse Wikipedia vertaal.