Graskarp

Graskarp
'n Klein Graskarpie
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Orde:	Cypriniformes
Familie:	Cyprinidae
Subfamilie:	Squaliobarbinae
Genus:	Ctenopharyngodon Steindachner, 1866
Spesie:	C. idella
Binomiale naam
Ctenopharyngodon idella (Valenciennes in Cuvier & Valenciennes, 1844)

Die Graskarp (Ctenopharyngodon idella) is 'n varswater vis wat inheems is aan China en vir die eerste keer in 1967 na Suider-Afrika ingevoer en los gelaat is. In Engels staan die vis bekend as die Grass carp.

Voorkoms

Die vis het 'n amper silindriese lyf en die dorsale vin is in die middel van die rug en is kort. Die kop is gepunt. Die vis is silwer kleurig met die kop en vinne wat donker grys is. Die vis kan tot 1 m lank word en weeg dan 45 kg.

Habitat

Die vis leef in stadig vloeiende riviere of staande waters en kan temperatuur variasies van 0-38°C weerstaan. Hulle kan ook leef in souterige water - 10 dele in 1000 dele water. Die vis vreet hoofsaaklik water plante maar kan ook insekte en ander ongewerweldes vreet. Hulle broei in vloeiende water by riviere wat styg; die eiers en larwes dryf in die water.

Geskiedenis en verspreiding in Suid-Afrika

Die vis is die eerste keer in 1967 in Suid-Afrika geteel by die Umgeni-teelstasie nadat eiers uit Maleisië hierheen gebring is. Visse is daarna in damme in KwaZulu-Natal en Mpumalanga losgelaat. Die vis kom tans voor in die Germiston-meer, teel damme in KwaZulu-Natal, Umgenirivier en die Manyame- en Chiveromere in Zimbabwe.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1