Bloukurper

Blou kurper
Bewaringstatus
Byna bedreig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Cichlidae
Subfamilie:	Pseudocrenilabrinae
Tribus:	Tilapiini
Genus:	Oreochromis
Spesie:	O. mossambicus
Binomiale naam
Oreochromis mossambicus (Peters, 1852)

Die Blou kurper (Oreochromis mossambicus) is 'n varswatervis wat voorkom in Suid-Oostelike Afrika. Dit staan ook bekend as die Grootbek kurper, die Mosambiek kurper, die Rooivin kurper en in Engels as die Mozambique tilapia.

Voorkoms

Die vis is donker, olyfgroen van kleur met rooi rante op die stert en dorsale vin. Die onvolwasse visse het ses vertikale strepe oor die lyf. Die vis word 40 cm lank en 3.2 kg swaar. Die Suid-Afrikaanse hengelrekord is 3.265 kg, die Zimbabwe rekord is 2.181 kg en die Malawi rekord is 0.64 kg.

Habitat

Die vis leef in staande of stadig vloeiende riviere. Hulle kan 'n groot verskil in temperatuur oorleef en is nie sensitief vir sout nie. Hulle word daarom ook in riviermondings en selfs die see gevind. Die vis vreet krap, insekte en fyn alge.

Voortbestaan

Die wyfie dra die eiers in haar mond totdat hulle uitbroei.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://fishbase.org/summary/Oreochromis-mossambicus.html

Bronne

• http://www.fishbase.org
• First Field Guide to Fishes of Souhern Africa. Rudy van der Elst. 1999. ISBN 978-1-86872-288-4
• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1