Luisboom

Luisboom
Met vrugte (geel) en blomme
Wetenskaplike klassifikasie
Koninkryk:	Plantae
Divisie:	Tracheobionta
Klas:	Magnoliopsida
Subklas:	Asteridae
Orde:	Solanales
Familie:	Solanaceae
Genus:	Solanum
Spesie:	S. mauritianum
Binomiale naam
Solanum mauritianum Scop.

Luisboom of groot bitterappel (Solanum mauritianum) is 'n indringende klein boom of struik wat kan groei tot 'n hoogte van tien meter. Dit het groot ovaal-formige groen-grys blare wat oortrek is met klein haartjies. Die blom is pers met 'n groen middel. Die plant kan die hele jaar blom, maar die vrugte kom slegs voor in laat-lente tot die vroeë-somer. Die plant kan tot 30 jaar lewe.

Die plant is inheems tot Suid-Amerika, maar is ook versprei in Nieu-Seeland en Suid-Afrika. Die plant is giftig en kan irritasie en naarheid meebring.

Die Luisboom word beskou as 'n indringerplant in Suid-Afrika.

Ander name

• Afrikaanse naam: Groot bitterappel, luisboom
• Engelse naam: bugweed, tree tobacco, wild tobacco, flannel weed (Nieu-Seeland), kerosene plant (Nieu-Seeland), tobacco weed (Nieu-Seeland), woolly nightshade (Nieu-Seeland)
• Zoeloenaam: igayintombi, isigwayana, umbanga banga

Sien ook

• Indringerplante in Suid-Afrika
• Lys van onkruid in Suid-Afrika