Beringsee: Verskil tussen weergawes
Nuwe artikel |
(Geen verskil)
|
Wysiging soos op 19:47, 13 Junie 2015
Die Beringsee is ’n binnesee van die Stille Oseaan.[1][2] Dit is ’n relatief vlak see.
Die see word deur die Alaska-skiereiland geskei van die Golf van Alaska. Die oppervlakte is meer as 2 000 000 km2. Dit word in die ooste en noordooste deur Alaska begrens, in die weste deur Rusland se Verre Ooste en die Kamtsjatka-skiereiland, in die suide deur die Alaska-skiereiland en die Aleoetiese Eilande en in die verre noorde deur die Beringstraat, wat die Beringsee en die Noordelike Yssee se Tsjoekotkasee verbind. Die see is genoem na Vitus Bering, ’n Deense navigator in Russiese diens wat in 1728 die eerste Europeër was wat dit stelselmaties verken het.
Die Beringsee-ekostelsel sluit bronne van Amerika en Rusland in, sowel as van internasionale waters.[3]. Die interaksie tussen strome, see-ys en weer maak dit ’n lewendige en produktiewe ekostelsel.
Verwysings
- ↑ Fasham, M. J. R. (2003). Ocean biogeochemistry: the role of the ocean carbon cycle in global change. Springer. p. 79. ISBN 978-3-540-42398-0.
- ↑ McColl, R.W. (2005). Encyclopedia of World Geography. Infobase Publishing. p. 697. ISBN 978-0-8160-5786-3. Besoek op 26 November 2010.
- ↑ "North Pacific Overfishing (DONUT)". Trade Environment Database. American University. Besoek op 13 Augustus 2011.
Eksterne skakels
Wikimedia Commons het meer media in die kategorie Beringsee.
Hierdie artikel is vertaal uit die Engelse Wikipedia
