Taffie Kikillus

Taffie Kikillus
Geboortenaam	Johann Gustav Kikillus
Geboorte	~1927
Sterfte	22 September 2014 Milnerton, Kaapstad
Nasionaliteit	Suid-Afrika
Beroep(e)	Akteur, klavierspeler, komponis
Internet-rolprentdatabasis-profiel

Taffie Kikillus (soms ook Taffy Kikillus) was 'n Suid-Afrikaanse akteur, musikant en komponis.

Kikillus het vanaf sy derde lewensjaar klavier speel en het op veertien begin om musiek te komponeer. Hy het sy eie orkes by die Universiteit van Stellenbosch gehad. Hy was ook verantwoordelik vir die eerste klavier-langspeelplaat in Suid-Afrika, genaamd Taffie plays for you.

Kikillus het in verskeie Afrikaanse rolprente opgetree. Hy is veral bekend vir sy rol in films soos Gevaarlike Spel (1962), Fratse in die Vloot (1958) en Donker Afrika (1957).

Hy is op 22 September 2014 op 87-jarige ouderdom aan komplikasies ná ’n beroerte in die Mediclinic Milnerton oorlede. Hy laat sy vrou, Rhona en 3 seuns, Marais, Karl en Igon agter.

Filmografie

As akteur:

• Gevaarlike Spel, 1962 as Reg Regallo
• Boerboel de Wet, 1961 as Sidney Corbett
• Hou die Blink Kant Bo, 1960 as Herman Engelbrecht
• Fratse in die Vloot, 1958 as diamantdief
• Donker Afrika, 1957 as inspekteur Dirk van Vuuren
• Dis Lekker om te Lewe, 1957 as spioen met kamera
• Matieland!, 1955 as Karel Verster

As komponis:

• Kimberley Jim, 1963
• Gevaarlike Spel, 1962
• Fratse in die Vloot, 1958
• Donker Afrika, 1957
• 'n Plan is 'n Boerdery, 1954
• Hier's Ons Weer!, 1950

As homself:

• 'n Plan is 'n Boerdery, 1954 as pianis (nie gekrediteer nie)
• Altyd in my Drome, 1952 (nie gekrediteer nie)
• Alles sal Regkom!, 1951 as harmonikaspeler (nie gekrediteer nie)
• Hier's Ons Weer!, 1950 as pianis (nie gekrediteer nie)