Verskil tussen weergawes van "Peter Louw"

Jump to navigation Jump to search
5 grepe bygevoeg ,  2 maande gelede
→‎Lewe en werk: Rooi word blou!
(→‎Lewe en werk: Rooi word blou!)
 
 
== Lewe en werk ==
Peter Nicolaas Moltke Louw is die seun van [[N.P. van Wyk Louw]] en Truida Pohl en is op 13 Januarie 1950 in [[Kaapstad]] gebore. Sy name is ’n vermenging van die name van sy oupas aan moederskant en vaderskant en ook van sy pa. Hy het ’n suster, Reinet, en twee halfsusters (Ria en Nakkie) uit sy pa se eerste huwelik met Joan Wessels. Van Wyk Louw sou op 31 Januarie 1950 na [[Nederland]] vertrek waar hy ’n pos aan die Gemeentelike Universiteit van Amsterdam aanvaar het. Peter was egter nog te klein en het boonop ’n vorm van [[geelsug]] gehad, sodat daar besluit is dat hy nie op daardie tydstip saam met sy pa na Nederland kon gaan nie. Op 11 Februarie 1950 word hy gedoop, met [[D.J. Opperman]] wat as sy peetvader aangewys word. Truida, Reinet en Peter het op 30 [[Maart]] 1950 uit die Kaap per skip vertrek en op 18 April in [[Antwerpen]] aangekom, waarna hulle by Van Wyk Louw in [[Amsterdam]] aangesluit het. Op 17 November 1953 keer hy weer saam met sy ma en suster na Suid-Afrika terug vir ’n lang vakansie en gaan weer terug na Nederland in April 1954. As ’n kleuter in Nederland praat Peter aanvanklik slegs Nederlands, hoewel hy dit net by die Louws se huishoudster en ’n paar speelmaats geleer het. Hy bry ook soos ’n [[Swartlander]], maar op hierdie jong ouderdom begin hy reeds hakkel, ’n probleem wat hom sy lewe lank teister. Sy pa wou dus nie met sy taalgebruik lol om hom te dwing om Afrikaans te praat nie. Hy begin sy laerskoolopleiding in Amsterdam. In 1959 keer die gesin terug na Suid-Afrika en woon eers in [[Parkview, GautengJohannesburg|Parkview]] voordat hulle in 1969 na [[Linden]] verhuis. Hy matrikuleer in 1967 aan die Hoërskool Linden in Johannesburg.
 
Na skool studeer hy in die [[Ekonomie]] aan die [[Randse Afrikaanse Universiteit]], maar verander van studierigting en verwerf in 1972 die B.A.-graad in die Regte. Hy staak sy studies aan die einde van sy eerste LL.B.-jaar omdat hy nie die mondelinge eksamens kon vermy nie en sy hakkelry dit vir hom baie moeilik gemaak het. In 1974 begin hy werk as hofklerk by die Johannesburgse Landdroshof en vanaf 1975 tot 1976 is hy verslaggewer, subredakteur en vertaler by ''[[Die Burger]]'' in Kaapstad. In 1976 trou hy met Elizabeth van der Merwe van [[Rawsonville]], maar die egpaar skei in 1988. Die huwelik was kinderloos. Ná ’n lang oorsese reis behaal hy in 1979 die LL.B.-graad aan die [[Universiteit van Suid-Afrika]] en word as advokaat tot die balie toegelaat. In 1980 word hy aangestel as regsvertaler by die AA Mutual versekeringsmaatskappy in [[Johannesburg]]. Intussen studeer hy deeltyds aan die Universiteit van Suid-Afrika en behaal in 1982 die B.A. Honneurs-graad in Afrikaanse en Nederlandse letterkunde met lof. Hy bedank in 1986 by AA Mutual en begin sy eie finansiële en regsvertaalbesigheid, wat hy in 1987 na [[Kaapstad]] verskuif. Later sluit hy by Ou Mutual aan as hierdie maatskappy se taalspesialis. Op 31 Maart 1990 trou hy met die joernalis Elsje Margaretha (Elretha) Moolman (gebore Dreyer) en hulle het ’n seun, Peter Nicolaas, wat op 13 November 1992 gebore is.

Navigasie-keuseskerm