Linden

in Wikipedia, die vrye ensiklopedie
Jump to navigation Jump to search
Linden
Vierde Laan, tussen Sewende en Agtste Straat, met die uitsig suidoos op die middestad.
Vierde Laan, tussen Sewende en Agtste Straat, met die uitsig suidoos op die middestad.
Ligging van Linden op 'n kaart (Gauteng)
Linden
Linden
 Linden se ligging in Gauteng
Koördinate: 26°8′6″S 27°59′31″O / 26.13500°S 27.99194°O / -26.13500; 27.99194Koördinate: 26°8′6″S 27°59′31″O / 26.13500°S 27.99194°O / -26.13500; 27.99194
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Oppervlak[1]
 - Voorstad 4,04 km²  (1,6 vk m)
Bevolking (2011)[1]
 - Voorstad 8 629
 - Digtheid 2 136/km² (5 532,2/myl2)
Rasverdeling (2011)[1]
 • Blank 66,7%
 • Indiër/Asiër 7,9%
 • Kleurling 2,5%
 • Swart 21,8%
 • Ander 1,2%
Taal (2011)[1]
 • Engels 49,7%
 • Afrikaans 30,3%
 • Zoeloe 3,7%
 • Tswana 3,6%
 • Ander 12,7%
Poskode (strate) 2195
Poskode (posbusse) 2104
Skakelkode(s) 011
Die NG gemeente Linden het in Oktober 1936 afgestig van Waterval, wie se kerkgebou soos die kraai vlieg presies 4,5 km van hier af geleë is.
Die Gereformeerde kerk Linden, gestig in 1950, is die grootste Afrikaanse kerk in die voorstad. In 2017 het die gemeente 713 belydende en 349 dooplidmate gehad.

Linden is 'n voorstad van Johannesburg, Suid-Afrika wat langs die grens van Randburg loop.

Ligging en geriewe[wysig | wysig bron]

Linden word begrens deur die Randburgse voorstede Aldara Park en Darrenwoord in die noordweste en Linden-uitbreiding in die noorde. Van Johannesburg se voorstede begrens Blairgowrie dit in die noordooste, Pierneef Park en Victory Park in die ooste, Emmarentia in die suide, Franklin Roosevelt Park in die suidweste en Montroux en Risidale in die weste. Linde is volgens 'n strak roosterpatroon uitgelê met Eerste tot Vyfde Laan wat van suidoos na noordwes loop en Eerste tot Elfde Straat van suidwes na noordoos. Al straat wat nie 'n nommer het nie, is Cosmosstraat in die noordwestelike uithoek. Die enigste twee staatskole in Linden is albei Afrikaansmedium: die Laerskool Louw Geldenhuys en die Hoërskool Linden, onderskeidelik een van net vier Afrikaansmediumlaerskole en twee Afrikaansmediumhoërskole in Johannesburg.

Ontstaan[wysig | wysig bron]

Linden is in 1898 (of volgens 'n ander bron 1901) uitgelê op die plaas Klipfontein No. 479 en het gegrens aan die plaas Braamfontein in die suidooste en Waterval in die suidweste. Toe Linden uitgelê is, het die plaas blykbaar aan Johannes Jacobus Rabie van der Linde en Louw Geldenhuys behoort, wat saam besluit het om hul grond in standplase te laat opmeet. Oor die oorsprong van die naam Linden bestaan onsekerheid. Dit kan wees na aanleiding van die goudmynpionier Gert van der Linde of dan wel na Johannes van der Linde, wat die dorpsgebied saam met Geldenhuys aangelê het.[2] Nog 'n moontlik is waarskynlik 'n kombinasie van Van der Linde en Geldenhuys.

Uitbreiding[wysig | wysig bron]

Linden is 8 km van die middestad af geleë. Toe dit uitgelê is, was dit te ver van die sakekern om dadelik veel belangstelling te wek, maar teen die 1920's het die gebied die vorm begin aanneem van 'n versameling kleinhoewes, waar boorde floreer het en 'n groot privaat melkery bedryf is. Teen die 1950's het die hoewes begin plek maar vir residensiële standplase met enkelwonings daarop. Omdat meer gegoede Afrikaners hulle graag hier kom vestig het waar die erwe van 2 000 m2 en meer vier keer so groot was soos die deursnee-erf van 500 m2 in die sogenaamde Dip, die omgewing van Mayfair, Mayfair-Wes, Brixton en Fordsburg waar die meeste Afrikaners in Johannesburg gewoon het, het Linden die bynaam Boere-Houghton gekry, na aanleiding van die oorwegend Engelse, gegoede Houghton Estate.

Demografie[wysig | wysig bron]

Tot omstreeks 1960 was die meeste van Linden se inwoners Afrikaanssprekend. Volgens die munisipale kieserslys was 93 van die kiesers in 1934 Afrikaans en 53 Engels. In 1949 was dit 808 Afrikaans en 606 Engels, maar teen 1961 het die Engelse kiesers die Afrikaners verbygesteek: 1 699 vergeleke met 1 629. Volgens die sensus van 2011 was die taalverdeling Engels 49,8% (4 243) en Afrikaans 30,3% (2 582). Presies twee derde van 8 629 inwoners was wit en net meer as 'n vyfde swart.

Bronne[wysig | wysig bron]

  • (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
  • (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.

Verwysings[wysig | wysig bron]

  1. 1,0 1,1 1,2 1,3 "Subplek Linden". Sensus 2011. 
  2. (en) Agtergrond van Rian Malan se My Traitor's Heart. URL besoek op 13 Februarie 2018.

Eksterne skakels[wysig | wysig bron]