Wikipedia:Riglyne vir voorbladartikels

Die Afrikaanse Wikipedia se voorbladartikels verteenwoordig ons beste werk en bevat 'n professionele skryfstyl en aanbieding. Voorbladartikels voldoen reeds aan die vereistes vir alle Wikipedia-aritkels, en besit ook nog die volgende eienskappe.

1. 'n Voorbladartikel...
   • (a) ...besig goeie Afrikaans: Korrekte Afrikaanse spelling, woordbou en grammatika, insluitende die korrekte Afrikaanse vakterme. 'n Professionele standaard word dwarsdeur gehandhaaf.
   • (b) ...is omvangryk: dit versuim nie belangrike feite of besonderhede nie.
   • (c) ... is feitelik akkuraat: bewerings is verifieerbaar in betroubare bronne en weerspieël die relevante versameling gepubliseerde kennis, wat ondersteun word deur die aanhaling van bronne.
   • (d) neutraal: die sienings in die artikel word op 'n neutrale wyse gedek
2. Voorbladartikels volg ons algemene stylriglyne, wat die volgende insluit:
   • (a) die korrekte titel - volgens Wikipedia:Titelriglyne; die titel moet ook die inhoud van die artikel weerspieël.
   • (b) 'n inleiding wat die onderwerp op 'n sinvole wyse opsom en die leser voorberei op die detail wat in die daaropvolgende afdelings volg.
   • (c) passende struktuur—Sinvolle afdelings en opskrift, sonder om 'n indeks te skep wat die lees vergemoeilik. Goeie, logiese uitleg en volgorde van aanbieding.
   • (c) korrekte vorm van (Suid-)Afrikaanse datums, syfers, mates en gebruik van "&nbsp"
   • (e) direkte aanhalings of verwysings—waar nodig en korrek geformateer deur voetnotas, <ref>Smith 2007, bl. 1.</ref> of Harvard-verwysing (Smith 2007, p. 1).
3. Beelde. Beelde of diagramme waar toepaslik. Indien daar beelde is moet daar beeldbeskrywings wees en die uitleg moet goed werk op webblaaiers van verskillende groottes (voorsiening word gemaak vir 'n minimum van 600x800). Die beelde moet geëtiketeer wees wat lisensie betref of die bron, asook die toestemming tot die gebruik van die beeld moet duidelik vermeld word.
4. Lengte: die artikel moet fokus op die hoofonderwerp sonder om té lang dele in te hê wat eintlik beter hoort in ander artikels.
5. Goeie wikisintaks:
   • (a) Moet deur ten minste een ander gebruiker as die nomineerder/bydraer deurgelees word, om seker te maak van spelling, taalgebruik, ens.
   • (b) Geen "smart quotes"
   • (c) Korrekte gebruik van lyste eerder as woordverwerkerkoëltjies ("bullets")
   • (d) Interwiki's (onder)
   • (e) Netjies leesbare wikisintaks (bv. goeie spasiëring).
   • (f) Relevante interne skakels, nie te veel of oorbodige skakels nie.
   • (g) Sinvolle kategorisering.