Groot-Antille

Ligging van die Groot Antille (groen) met betrekking tot die res van die Karibbiese Eilande

Die eilande van die Karibbiese See, wat ook gesamentlik as die Wes-Indiese Eilande bekendstaan, word volgens grootte en ligging gerangskik in die Bahamas (of Lucayan argipel), die Klein Antille en die Groot Antille. Die Groot Antille is Kuba, Jamaika, die eiland Hispaniola, wat bestaan uit Haïti aan die weste kant en die Dominikaanse Republiek aan die ooste kant, en Puerto Rico. Die kleiner eilande in die omgewing van die vier groot eilande word soms as deel van die groep beskou. Die Groot Antille bestaan uit kontinentale rots, anders as die Klein Antille, wat meestal uit jong vulkaniese of koraaleilande bestaan.

Die Groot Antille het duidelike strategiese belang as die poort tot die Amerika's en in die tydperk toe seemag 'n land se mag gedefinieer het, was die eilande slagvelde vir verskeie imperiale magte, in besonder Spanje, Frankryk, en die Verenigde Koninkryk. Die eilande is aanvanklik vir hulle eie hulpbronne ontgin, maar het later as die hoof vasmeer punte vir skepe wat tussen Europa en die Nuwe Wêreld geseil het gedien. Met die opkoms van kommersiële lugrederye het die startegiese waarde van die eilande stadigaan verminder.

Eilande van die Groot Antille

Die eilande kan in kontras gebring word met die Klein Antille.

Kyk Ook

• Antilles, Wes-Indiese Eilande
• Kuba, Jamaika, Hispaniola, Haïti, Dominikaanse Republiek
• Karibiese See

Verwysings

• Rogonzinski, Jan. A Brief History of the Caribbean. New York: Facts on File, 1992.