Bahamas
| |||||
| Nasionale leuse: Forward, Upward, Onward, Together (Engels vir: "Voorwaarts, Opwaarts, Verder, Tesaam") | |||||
| Volkslied: March On, Bahamaland Koninklike volkslied: God Save the Queen | |||||
| |||||
| Hoofstad | Nassau | ||||
| Grootste stad | Nassau | ||||
| Amptelike tale | Engels | ||||
| Regering | Unitêre parlementêre grondwetlike monargie[1][2] Elizabeth II Marguerite Pindling Hubert Minnis | ||||
| Onafhanklikheid Onafhanklikheid
• van die Verenigde Koninkryk |
10 Julie 1973[3] | ||||
| Oppervlakte - Totaal - Water (%) |
13 878 km2 (160ste) 5 358 myl2 28 | ||||
| Bevolking - 2016-skatting - 2010-sensus - Digtheid |
392 718[4] (177ste) 351 461 25,21 / km2 (181ste) 63,5 / myl2 | ||||
| BBP (KKP) - Totaal - Per capita |
2017-skatting | ||||
| BBP (nominaal) - Totaal - Per capita |
2017-skatting | ||||
| MOI (2014) |  0,790[6] (55ste) – hoog
| ||||
| Gini (2001) | 57[7] – hoog | ||||
| Geldeenheid | Dollar (BSD)
| ||||
| Tydsone - Somertyd |
OTS (UTC-5) ODS (UTC-4) | ||||
| Internet-TLD | .bs | ||||
| Skakelkode | +1-242 | ||||
Die Bahamas (Engels: The Bahamas), amptelik die Gemenebes van die Bahamas (Commonwealth of the Bahamas), is 'n eilandnasie in die Noord-Atlantiese Oseaan. Die land sluit bykans 3 000 eilandjies in en bestaan uit lang, lae koraalformasies en lae heuwels.[8] Die Bahamas-eilande is oos van Florida, noordoos van Kuba, noordwes van die Turks- en Caicoseilande en Hispaniola, en suidwes van Bermuda geleë. Die hoofstad en grootste stad is Nassau. Dit het 'n oppervlakte van 13 878 km² en het 'n bevolking van 392 718 in 2016 gehad. Die Bahamas is naas Kuba, die Dominikaanse Republiek en Haïti die vierde grootste eilandnasie van die streek.[9] Danksy die plek se mooi strande en warm weer is dit 'n gewilde toeristebestemming.[8]
Die naam van die Bahamas is óf van die Taino-word ba ha ma ("groot boonste middelland") wat deur die inheemse Indiane gebruik is, óf van die Spaanse baja mar ("vlak water of see" of "laagwater") vir die vlak water van die gebied, afgelei. Die Bahamas is net een van twee lande waarvan die algemene Engelse naam met 'n lidwoord begin, die ander is Gambië (The Gambia).[10]
Christophorus Columbus het die Nuwe Wêreld in 1492 vir die eerste keer betree en die Bahamas vir Europa ontdek, maar dit het nooit 'n Spaanse kolonie geword nie. In 1648 is dié eilandgroep deur Engelse koloniste bevolk en het in 1718 'n Britse kronkolonie geword. Na die Amerikaanse Rewolusionêre Oorlog het die kroon duisende Amerikaanse lojaliste op die eilandgroep gevestig waar hul slawe saamgebring het. In 1834 is slawerny amptelik afgeskaf. Vandag maak die nasate van slawe en vrye-Afrikaners byna 90% van die Bahamas se bevolking uit. Op 10 Julie 1973 het die Bahamas van die Verenigde Koninkryk onafhanklik geword.
Die Bahamas is 'n konstitusionele monargie binne die Britse Statebond en Elizabeth II van die Verenigde Koninkryk is die staatshoof van dié land. Volgens die bruto binnelandse produk per kapita is die Bahamas een van die rykste lande van die Amerikas (naas Kanada en die Verenigde State). Die ekonomie is veral op toerisme en finansiële dienste gebaseer.[11]
Verwysings[wysig | wysig bron]
- ↑ (en) "•GENERAL SITUATION AND TRENDS". Pan American Health Organization.
- ↑ (en) "Mission to Long Island in the Bahamas". Evangelical Association of the Caribbean.
- ↑ (en) "1973: Bahamas' sun sets on British Empire". BBC News. 9 Julie 1973. Besoek op 20 Mei 2017.
- ↑ (en) "Bahamas, The". CIA World Factbook. Central Intelligence Agency. Besoek op 20 Mei 2017.
- ↑ 5,0 5,1 5,2 5,3 (en) "The Bahamas". Internasionale Monetêre Fonds. Besoek op 20 Mei 2017.
- ↑ (en) "2015 Human Development Report Summary" (PDF). United Nations Development Programme. 2015. Besoek op 20 Mei 2017.
- ↑ (en) "Bahamas Living Conditions Survey 2001" (PDF). Department of Statistics. Besoek op 20 Mei 2017.
- ↑ 8,0 8,1 HAT Taal-en-feitegids, Pearson, Desember 2013, ISBN 978-1-77578-243-8
- ↑ (en) "Top 5 Largest Countries in the Caribbean". Aneki.com. Besoek op 20 Mei 2017.
- ↑ (en) Geoghegan, Tom (7 Junie 2012). "Ukraine or the Ukraine: Why do some country names have 'the'?". BBC News. Besoek op 20 Mei 2017.
- ↑ (en) "Country Comparison :: GDP – per capita (PPP)". CIA World Factbook. Central Intelligence Agency. Besoek op 20 Mei 2017.
Eksterne skakels[wysig | wysig bron]
Wikimedia Commons het meer media in die kategorie Bahamas.- (en) Toerisme-inligting oor Bahamas op Wikivoyage
| Lande: Antigua en Barbuda | Bahamas | Barbados | Belize | Costa Rica | Dominica | Dominikaanse Republiek | El Salvador | Grenada | Guatemala | Haïti | Honduras | Jamaika | Kanada | Kuba | Meksiko | Nicaragua | Panama | St. Kitts en Nevis | St. Lucia | St. Vincent en die Grenadine | Trinidad en Tobago | Verenigde State van Amerika | ||
| Afhanklike gebiede: Koninkryk van Denemarke: Groenland | Frankryk: Clipperton - Guadeloupe - Martinique - Saint-Martin - Sint Bartolomeus - Sint Pierre en Miquelon | Koninkryk van die Nederlande: Aruba - Curaçao - Sint Maarten | Nederland: Bonaire - Saba - Sint Eustatius | Verenigde Koninkryk: Anguilla - Bermuda - Britse Maagde-eilande - Kaaimanseilande - Montserrat - Turks- en Caicoseilande | Verenigde State: Amerikaanse Maagde-eilande - Navassa - Puerto Rico | ||
|
Lande van: Afrika - Asië - Europa - Oseanië - Suid-Amerika | ||
