Spook van Kijif

in Wikipedia, die vrye ensiklopedie
Jump to navigation Jump to search
'n Kunswerk wat die Spook van Kijif uitbeeld.

Die Spook van Kijif (Oekraïens: Привид Києва, Priwid Kijiwa)[1] is 'n bynaam wat aan die betwiste bobaasvlieënier van 'n MiG-29 Fulcrum gegee is wat die krediet daarvoor kry dat hy op 24 Februarie 2022 ses Russiese vliegtuie neergeskiet het in die Kijifse aanval tydens die Russiese inval van 2022 in Oekraïne. Volgens die veiligheidsdiens van Oekraïne het hy teen 27 Februarie 10 vliegtuie neergeskiet. Hoewel sy bestaan nie bevestig kan word nie, is verhale oor hom goed vir die Oekraïense moreel.

Agtergrond en bewerings[wysig | wysig bron]

'n Oekraïense MiG-29 in 2018. Die Spook van Kijif vlieg glo 'n soortgelyke vliegtuig.

Nadat Rusland Oekraïne op 24 Februarie 2022 ingeval het as deel van 'n verskerping in die oorlog tussen die twee lande, het die aanval op Kijif op dieselfde dag begin. Video's op sosiale media van vegvliegtuie in Oekraïne is wyd versprei, asook bewerings dat 'n enkele vlieënier verskeie Russiese vegvliegtuie neergeskiet het.[2][3] 'n Vlieënier van 'n МіG-29, wat die bynaam "Spook van Kijif" gekry het, het na bewering in die eerste 30 uur van die inval ses vliegtuie in die lug bo Kijif neergeskiet.[1][4]

As die vlieënier bestaan, sal hy die eerste bobaasvlieënier van die 21ste eeu wees.[5]

Die Oekraïense departement van verdediging het gesê as dit bevestig kan word, kan die Spook van Kijif enige van dosyne ervare vlieëniers van die militêre reserwe wees wat dringend na Oekraïne se gewapende magte teruggekeer het sedert Rusland die land binnegeval het.[6] In 'n twiet is na die Spook van Kijif verwys as "die lugwreker".[7] Die Oekraïense hoofbevelvoerder, Waleri Zaloezjni, het egter gesê hy kan net bevestig dat altesaam ses Russiese vliegtuie op die eerste dag van die inval neergeskiet is, hoewel daar meer kon wees.[4]

Nalatenskap[wysig | wysig bron]

Hoewel sommige bronne die Spook van Kijif as 'n hedendaagse mite of oorlogspropaganda afmaak, gee dit die Oekraïense moreel 'n groot hupstoot, wat hulle optimisme aanwakker ondanks die Russiese inval.[8][2][9] Die bewerings is waarskynlik nie met opset begin nie,[4] want die stories is deur gewone Oekraïners op sosiale media gedeel voordat amptelike Oekraïense media oor die vlieënier begin skryf het.[7]

Die Amerikaanse aanlyn publikasie Task & Purpose meen hoewel dit onwaarskynlik is dat daar altesaam ses vliegtuie deur ander vliegtuie neergeskiet is, in die lig van die skaarste daarvan in die 21ste eeu en Oekraïne se sterk missielverdediging, is die Spook van Kijif "werklik genoeg" as die gees van die Oekraïners.[8]

Benewens die Spook van Kijif, het bewerings van die "Oekraïense Maaier" ook op 26 Februasie die ronde op sosiale media begin doen. Hy is glo 'n soldaat van die grondmagte wat in gevegte meer as 20 Russiese soldate gedood het.[10]

Verwysings[wysig | wysig bron]

  1. 1,0 1,1 "'Привид Kиєва': Пілот міг-29 за 30 годин здобув 6 повітряних перемог над Окупантом" ['Ghost of Kyiv': Mig-29 Pilot Won 6 Air Victories Over the Occupier in 30 Hours]. 5 Kanal (in Oekraïens). 25 Februarie 2022. Geargiveer vanaf die oorspronklike op 25 Februarie 2022. Besoek op 25 Februarie 2022.
  2. 2,0 2,1 Miller, Christopher; Koshiw, Isobel; Kiehart, Pete (Februarie 27, 2022). "Stories Of Ukrainian Heroism Are Emerging And Giving The Country Hope". BuzzFeed News. Geargiveer vanaf die oorspronklike op Februarie 28, 2022. Besoek op Februarie 27, 2022.
  3. Miller, Daniel (25 Februarie 2022). "Who is the 'Ghost of Kyiv'? Tale of Ukrainian fighter pilot trends on social media". Fox 2 Detroit. Geargiveer vanaf die oorspronklike op 25 Februarie 2022. Besoek op 25 Februarie 2022.
  4. 4,0 4,1 4,2 Van Brugen, Isabel (25 Februarie 2022). "'Ghost of Kyiv' Ukraine fighter pilot becomes the stuff of legend". Newsweek. Geargiveer vanaf die oorspronklike op 25 Februarie 2022. Besoek op 25 Februarie 2022.
  5. "Is 'Ghost of Kyiv' real? Ukrainian military tweets on mystery MiG-29 pilot". The Week. Geargiveer vanaf die oorspronklike op 25 Februarie 2022. Besoek op 25 Februarie 2022.
  6. "До строю авіації... - Міністерство оборони України" [To the air force ... - Ministry of Defense of Ukraine]. Facebook (in Oekraïens). Ministry of Defence. 25 Februarie 2022. Geargiveer vanaf die oorspronklike op 25 Februarie 2022. Besoek op 25 Februarie 2022.
  7. 7,0 7,1 "Ukraine is boosting morale with the urban legend of the Ghost of Kyiv, a mysterious fighter ace". inews. 25 Februarie 2022. Geargiveer vanaf die oorspronklike op 25 Februarie 2022. Besoek op 25 Februarie 2022.
  8. 8,0 8,1 Keller, Jared (25 Februarie 2022). "'The Ghost of Kyiv' is the first urban legend of Russia's invasion of Ukraine". Task & Purpose. Geargiveer vanaf die oorspronklike op 25 Februarie 2022. Besoek op 25 Februarie 2022.
  9. Bhalla, Abhishek (26 Februarie 2022). "Ghost of Kyiv: A war hero's folklore in Ukraine or propaganda?". India Today. Geargiveer vanaf die oorspronklike op 26 Februarie 2022. Besoek op 26 Februarie 2022.
  10. "If you liked the 'Ghost of Kyiv', you will love the 'Ukrainian Reaper'". MARCA (in Engels). 26 Februarie 2022. Geargiveer vanaf die oorspronklike op 26 Februarie 2022. Besoek op 26 Februarie 2022.

Skakels[wysig | wysig bron]