Migrasie van voëls

in Wikipedia, die vrye ensiklopedie
(Aangestuur vanaf Standvoël)
Spring na: navigasie, soek
'n Swerm Witwangganse besig met hulle migrasie in herfs.
Voorbeeld van die lang afstande wat voëls kan aflê.

Die migrasie van voëls is die jaarlikse seisoenale migrasie wat verskeie voëls onderneem. Hulle broei gewoonlik op een plek, maar oorwinter elders. Die voordeel hiervan is dat hulle die gunstige weer en beskikbaarheid van voedsel in hul oorwinteringsgebied kan benut, veral as die broeigebied se winters te koud of as die dae te kort is. Voëls wat jaarliks trek, word trekvoëls genoemd, voëls wat die hele jaar op een plek deurbring word standvoëls genoem.

Trekvoëls[wysig | wysig bron]

Trekvoëls is voëls, soos die swaeltjie, wat elke jaar na warmer lande trek. As dit koud raak in Suid-Afrika vlieg swaeltjies byvoorbeeld na Europa, waar dit dan somer is. Trekvoëls kom elke keer na dieselfde plek, soms dieselfde nes terug.

Standvoëls[wysig | wysig bron]

Standvoëls is voëls wat somer en winter op dieselfde plek bly, soos die mossie.

Die roek is soms ‘n standvoël, maar ook soms ‘n trekvoël. Hoe verder na die ooste, hoe meer raak hulle trekvoëls. Wes-Europese roeke is grotendeels standvoëls.

Omgekeerde migrasie[wysig | wysig bron]

Omgekeerde migrasie

Omgekeerde migrasie is die fenomeen waar voëls 180 grade in die verkeerde rigting vanuit hulle broeigebied vlieg. Dit kom veral by sangvoëls voor, waar die trekinstink geneties bepaal is. Omgekeerde migrasie word dikwels as verklaring gegee vir die dwaalgaste vanuit Sentraal-Asië wat in Europa opdaag, maar wat normaalweg in Suidoos-Asië oorwinter.

Sien ook[wysig | wysig bron]