Steengoed

in Wikipedia, die vrye ensiklopedie
Spring na: navigasie, soek
'n Steengoed-bord uit Staffordshire, Engeland

Steengoed is verglaasde wit erdewerk van poreuse en ondeurskynende kwaliteit wat by temperature tussen 900 en 1100 °C gebrand word. Steengoed, wat in Engels creamware genoem word, is in 1760 vir die eerste keer deur die Engelse pottebakker Josiah Wedgwood (1730-1795) vervaardig en vervolgens hoofsaaklik vir breekware en kunsvoorwerpe gebruik.

Bekende soorte steengoed is veldspaat-steengoed (fayence) en kalksteengoed. Fayence (wat na die Italiaanse stad Faenza genoem is) is van natuurlike wit kleur en word dikwels met 'n geverfde glasuur van tin of lood versier.