Stoffervaring

in Wikipedia, die vrye ensiklopedie
Jump to navigation Jump to search

Stoffervaring
1744-Psilotum nudum-Liberec skleník-2.06.jpg
Wetenskaplike klassifikasie
Koninkryk:
Divisie:
Klas:
Orde:
Familie:
Genus:
Spesie:
P. nudum
Binomiale naam
Psilotum nudum
(L.) P.Beauv. (1805)
Sinonieme
  • Lycopodium nudum L. 1753

Die Stoffervaring (Psilotum nudum (L.) R.Beauv. 1805 syn Lycopodium nudum L. 1753) is 'n varingspesie wat in die Afrotropiese gebied wydverspreid is en 'n pantropiese voorkomsgebied besit. [1] Op die SANBI-rooilys staan dit as veilig (LC) gelys. In Suid-Afrika kom dit aan die kus van die Transkei en in KwaZulu-Natal voor en plek-plek in Mpumalanga, Limpopo en Vrystaat.[2] In eSwatini is die spesie seldsaam en kom tussen 150 en 1250 meter hoogte voor.[1]

Dit groei epilieties op graniet of basalt of epifieties in die skaduwee van vogtige rotssplete, gewoonlik naby strome of in rivierbos. Vermeerdering vind deur spore of deur aftakking van die wortelstok plaas. Dit het 'n stam met chlorofiel wat tot 160 mm lank en tot 2 mm in deursnee word. Dit het net rudimentêre blare, wat eenvoudig lansvormig van vorm is en tot 1,5 mm lank word. Die chromosoomnummer 2n=104. [1]

Verwysings[wysig | wysig bron]

  1. 1,0 1,1 1,2 Swaziland ferns and fern allies J.P. Roux 2003 Southern African Botanical Diversity Network Report No. 19. SABONET, Pretoria..
  2. "SANBI-rooilys". Geargiveer vanaf die oorspronklike op 8 Oktober 2015.