Straat van Korea

Straat van Korea
Kaart van die Straat van Korea
Koördinate:	34°35′58″N 129°47′48″O
Ligging:	Korea en Japan
Soort:	Seestraat tussen die Oos-Chinese See, die See van Japan en die Geelsee
Gemiddelde diepte:	90–100 m (300 vt)
Maksimum diepte:	227 m
Breedte:	200 km (120 myl)
Eiland/e:	Tsushima, Iki, Jeju
Nedersettings:	Busan (Suid-Korea), Fukuoka (Japan)

Die Straat van Korea is 'n seestraat in Oos-Asië wat Korea (Suid-Korea) van Japan skei en die Oos-Chinese See, die See van Japan en die Geelsee met mekaar verbind. Dit grens in die noorde aan die suidelike kus van die Koreaanse Skiereiland en in die suide aan die suidwestelike Japanse eilande Kioesjoe en Honsjoe. Dit is sowat 200 km breed en het 'n gemiddelde diepte van 90 tot 100 m.

Ligging van die Straat van Korea

Suid-Korea en Japan gesien vanaf die Internasionale Ruimtestasie met die Straat van Korea aan die linkerkant

Die belangrikste hawestede langs die Straat van Korea is Busan in Suid-Korea en Fukuoka in Japan. Tydens die Russies-Japanse oorlog het op 27–28 Mei 1905 die Slag van Tsushima in die Straat van Korea plaasgevind.

Name van die straat

	Koreaanse Skiereiland – Kioesjoe	Koreaanse Skiereiland – Tsushima-eiland	Tsushima-eiland – Kioesjoe
Internasionale naam (naam in Afrikaans)	Straat van Korea	Straat van Korea Westelike Kanaal	Straat van Korea Oostelike Kanaal
Suid-Koreaanse naam	대한해협 - 大韓海峽 Daehan Haehyeop "Straat van Korea"
Noord-Koreaanse naam	조선해협 - 朝鮮海峽 Chosŏn Haehyŏp "Straat van Korea"
Japanse naam	対馬海峡 Tsushima Kaikyō "Straat van Tsushima"	朝鮮海峡 of 対馬海峡西水道 Chōsen Kaikyō of Tsushima Kaikyō Nishi-suidō "Straat van Korea" of "Straat van Tsushima Westelike Kanaal"	対馬海峡 of 対馬海峡東水道 Tsushima Kaikyō of Tsushima Kaikyō Higashi-suidō "Straat van Tsushima" of "Straat van Tsushima Oostelike Kanaal"

Eksterne skakels

• Wikimedia Commons het meer media in die kategorie Straat van Korea.
• (en) "Korea Strait". Encyclopædia Britannica. Besoek op 12 Augustus 2020.