Kioesjoe

in Wikipedia, die vrye ensiklopedie
Spring na: navigasie, soek
Kioesjoe
Kioesjoe-eiland, Japan
Kioesjoe-eiland, Japan
Geografie
Ligging Oos-Asië
Argipel Japannese Argipel
Oppervlak 35 640 km²
Hoogste punt Aso 1 591 m
Administrasie
Vlag van Japan Japan
Prefekture Fukuoka, Kagoshima, Kumamoto, Miyazaki, Nagasaki, Ōita, Saga
Grootste stad Fukuoka (1 400 000)
Demografie
Bevolking 14 779 321
Bevolkingsgroepe Japannese

Kioesjoe (九州 Nege Provinsies?) is die derde-grootste eiland van Japan en die mees suidelike en westelike van die vier hoofeilande. Die eiland se alternatiewe antieke name sluit in Kyūkoku (九国 Nege State), Chinzei (鎮西 Wes van die Pacified gebied), en Tsukushi-no-shima (筑紫島 Eiland van Tsukushi). Die historiese streeksnaam Saikaidō (西海道 Wes-See Circuit) verwys na Kioesjoe en sy omliggende eilande. Die naam Kioesjoe is afkomstig van die nege antieke provinsies van Saikaidō wat op die eiland geleë was: Chikuzen, Chikugo, Hizen, Higo, Buzen, Bungo, Hyūga, Osumi, en Satsuma. Die hedendaagse Kioesjoestreek (九州地方 kyūshū-chihō) is 'n polities gedefinieerde streek wat uit sewe prefekture op Kioesjoe en Okinawa Prefektuur suid daarvan bestaan.

Kyushu is die 37ste grootste eiland ter wêreld. Dit beslaan 'n oppervlak van 35 640 km² en is kleiner as Spitsbergen maar groter as New Britain en Taiwan. Kioesjoe het 'n bevolking van 14 779 000 (2003) en dit is die eiland met die 13de meeste inwoners ter wêreld, minder as Borneo of Sulawesi, maar meer as Salsette of Kuba. Die eiland is bergagtig en Japan se mees aktiewe vulkaan, die berg Aso teen 1 591 m, is op Kioesjoe. Daar is baie ander tekens van tektoniese aktiwiteit, insluitend talle warmwaterbronne. Die beroemdste hiervan is in Beppu, aan die oostelike kus en om die berg Aso, in Sentraal-Kioesjoe.

Volgens bevolking is die grootste stad op die eiland Fukuoka met 1,4 miljoen inwoners; Fukuoka is 'n belangrike sakesentrum met 'n groot internasionale lughawe en een van die vyf effektebeurse in Japan. Kitakyushu is 'n stad en belangrike sentrum vir swaarindustrieë, bevolk deur net minder as een miljoen mense. Kumamoto en Kagoshima is die derde en vierde grootste stede met meer as 'n halfmiljoen mense elk. Nagasaki het een van Japan se oudste internasionale hawens, wat die enigste poort na die buitewêreld was tydens die Edo tydperk, van die middel van die 16de tot die 18de eeue. Nagasaki is bekend vir een van die atoombomaanvalle wat die VSA aan die einde van die Tweede Wêreldoorlog op Japan uitgevoer het.

Dele van Kioesjoe het 'n subtropiese klimaat, veral die Miyazaki en Kagoshima prefekture. Die belangrikse landbou produkte is rys, tee, tabak, patats, en soja; sy word ook geproduseer. Die eiland staan bekend vir verskeie soorte porselein, insluitend Arita, Imari, Satsuma, en Karatsu. Swaarnywerhede is gekonsentreerd in die noorde en om Kitakyushu, Nagasaki, en Oita en sluit chemies en metaal verwerking in. Die eiland beskik ook oor 27 universiteite.