Stratford, Londen

Stratford
Wyk
Stratford Broadway
Stratford
Koördinate: 51°32′32″N 0°00′06″W
Land	Verenigde Koninkryk
Land	Engeland
Graafskap	Groter Londen
Tydsone	UTC±00:00 (MGT)
• Somertyd	UTC+01:00 (BST)
Poskode	E15, E20
Skakelkodes	020

Stratford is 'n wyk in Londen in die Engelse distrik Newham (London Borough of Newham). Dit lê 9,7 km (6 myl) oos-noordoos van Charing Cross en is as een van die groot sentra in die Londen-plan geïdentifiseer.

Stratford was die hoofligging van die 2012-Olimpiese Somerspele en die daaropvolgende 2012-Paralimpiese Somerspele.

Geskiedenis

Laaste sonstrale op 'n reënerige Septemberdag

Stratford was histories 'n landbou-nedersetting in West Ham, wat na die bekendstelling van die spoorlyn in 1839 in 'n industriële voorstad omskep is. As gevolg van die groei van Londen in die laat 19de eeu het Stratford aansienlik uitgebrei, die bevolking toegeneem, en word dit in 1886 die administratiewe sentrum van die distrik West Ham. Stratford is sedert 1965 deel van Groter Londen.

Meer onlangs is daar begin om weg te beweeg van spoorwerke en swaar nywerhede om Stratford in 'n belangrike kommersiële en kulturele sentrum te ontwikkel.

Na die toekenning van die 2012-Olimpiese Somerspele is Stratford opgeknap en opgegradeer om die groot aantal besoekers te akkommodeer. Verskeie sportgeriewe, waaronder die Olimpiese Park-kompleks, en een van die grootste winkelsentra in Europa, Westfield Stratford City, is ook hier opgerig.