Surrender Hill

in Wikipedia, die vrye ensiklopedie
Jump to navigation Jump to search
Meer as 4 300 boere lê die wapen neer
Uitsig op Surrender Hill langs die R711-roete in die oos-Vrystaat

By Surrender Hill het die Vrystaatse Boeremagte in Julie 1900 een van die grootste terugslae tydens die Tweede Vryheidsoorlog beleef.

Surrender Hill (voorheen bekend as Slaapkrans) is 'n koppie langs die R711-pad 20 km oos van Fouriesburg, 42 km suid van Bethlehem, 10 km suidwes van Clarens en 2 km van die Lesotho-grens.

In Julie 1900 is 'n groot deel van die Vrystaatse magte in die Brandwaterkom (tussen Fouriesburg en Golden Gate) deur die Britse troepe omsingel. Genl. C.R. de Wet en ongeveer 2 000 man kon oor Slabbertsnek ontsnap. In die bergkom het hoofkommandant Marthinus Prinsloo die bevel oorgeneem en is daar met 4 314 man op 29 Julie tot oorgawe gedwing. Hierdie krygsgevangenes is na kampe op St. Helena, Bermuda en Ceylon gestuur. Op 9 Augustus het die Britte alle gebuite wapentuig en 6 miljoen rondes ammunisie by Surrender Hill vernietig. Die kaal kolle wat deur die brand en die ontploffende ammunisie veroorsaak is, is nog sigbaar.

Die terrein by Surrender Hill is in 1986 deur die Raad vir Nasionale Gedenkwaardighede tot monument verklaar.

Jaarliks word hier die Surrender Hill-maraton gehou. Dit is 'n uitdagende wedloop weens die hoogte wat tussen 2 000 m en 2 500 m wissel oor die 42 km-afstand.

Bibliografie[wysig | wysig bron]

  • Inligtingsbord op die terrein
  • Raper, P.E.: New dictionary of South African place names. Johannesburg: Ball, 2004. ISBN 1-86842-190-2

Koördinate: 28°36′33″S 28°23′10″O / 28.60917°S 28.38611°O / -28.60917; 28.38611