Te Rata

in Wikipedia, die vrye ensiklopedie
Te Rata
Maori-koning
Te Rata Mahuta in 1914.png
Bewind 1912 tot 1933
Voorganger Mahuta Tāwhiao
Opvolger Korokī
Koningshuis Te Wherowhero
Gebore 1877-'80?
Gesterf 1 Oktober 1933
Vader Mahuta Tāwhiao

Te Rata Mahuta (1877-1880? - 1 Oktober 1933) was die vierde koning van die Maori's. Hy het van 1912 tot 1933 regeer.

Biografie[wysig | wysig bron]

Te Rata was die oudste seun van die derde koning, Mahuta, en Te Marae, dogter van hoofman Amukete Te Kerei. Te Rata is iewers tussen 1877 en 1880 gebore.[1] Hy het vier jonger broers gehad: Taipu,[2] Tumate, Tonga en Te Rauangaanga. Hy het met Te Uranga getrou.[1]

Te Rata het koning geword op 24 November 1912, sowat twee weke ná sy pa se dood, en het toe, soos dit die tradisie was, die naam "Pōtatau Te Wherowhero" aangeneem. Dit was die begin van 'n bewind van swak gesondheid en omstredenheid.[1] As kind was Te Rata 'n chroniese invalide en het hy verskeie siektes gehad. Dit het sy vermoë as koning gekniehalter en hy moes dikwels ontmoetings met belangrike mense afstel.

Hy op 1 Oktober 1933 in Waahi oorlede[1] en is deur sy oudste seun, Korokī, opgevolg.

Verwysings[wysig | wysig bron]

  1. 1,0 1,1 1,2 1,3 Ballara, Angela (1 September 2010). "Te Rata Mahuta Potatau Te Wherowhero". Dictionary of New Zealand Biography. Ministry for Culture and Heritage. Besoek op 13 Mei 2012.
  2. Soszynski, Henry. "Maori kingitanga". World of royalty. Besoek op 13 Mei 2012.

Skakels[wysig | wysig bron]