Teeleend

in Wikipedia, die vrye ensiklopedie
Spring na: navigasie, soek
Teeleend
Bewaringstatus
Wetenskaplike klassifikasie
Domein: Eukaryota
Koninkryk: Animalia
Filum: Chordata
Klas: Aves
Orde: Anseriformes
Familie: Anatidae
Genus: Anas
Spesie: A. capensis
Binomiale naam
Anas capensis
Gmelin, 1789

Die teeleend (Anas capensis) is 'n algemene standvoël in Suidelike Afrika.

Identifikasie[wysig | wysig bron]

Grootte: 44–48 cm. Hierdie eend is die vaalste eend wat in Suid-Afrika voorkom. Die teeleend is hoofsaaklik grys met 'n bruin rug en pienk op die snawel. Die eend het 'n gespikkelde kop. Jong voëls besit nie die rooskleurige kleur op die snawel nie.

Habitat[wysig | wysig bron]

Die habitat is oop areas van vars- sowel as soutwater. Hulle verkies vlak water en kom in klein swerms voor.

Dieet[wysig | wysig bron]

Voedsel bestaan uit waterplante sowel as klein ongewerwelde gediertes.

Broeigewoontes[wysig | wysig bron]

Die nes is altyd op die grond, naby die water en uitgevoer met dons.

Verspreiding[wysig | wysig bron]

Die teeleend kom in die meeste dele van Suidelike Afrika voor, maar hoofsaaklik in die droë weste van die streek. Veral Wes-Kaapland.

Geluid[wysig | wysig bron]

Die mannetjie-eend uiter 'n duidelike fluit, maar die wyfie-eend 'n sagte kwêk.

Ander name[wysig | wysig bron]

  • Engelse naam: Cape Teal
  • Wetenskaplike naam: Anas capensis

Sien ook[wysig | wysig bron]

Bronnelys[wysig | wysig bron]