Tetradragme

in Wikipedia, die vrye ensiklopedie

Die tetradragme is 'n silwermuntstuk uit antieke Griekeland wat gelyk was aan vier dragme.[1] Dit was van 510 tot 38 v.C. in algemene omloop.[2]

Geskiedenis[wysig | wysig bron]

Baie tetradragme wat nou nog bestaan, is gemunt deur die polis Athene vanaf omtrent die middel van die 5de eeu v.C.; die gewilde muntstuk is algemeen gebruik in transaksies deur die hele antieke Griekse wêreld, ook in stede wat Athene polities teëgestaan het.[2] Baie tetradragme bestaan vandag nog, aangesien dit meestal in groepe van tien tetradragme vasgemaak is en tussen skepe geruil is. Athene het silwermyne gehad wat deur die staat beheer is, wat die silwer voorsien het. Die Atheense tetradragme is gestempel met die kop van Athena op die voorkant, en op die agterkant 'n uil, die simbool van Athene, met 'n olyftakkie en 'n sekelmaan. Die ontwerp is vir meer as twee eeue grotendeels onveranderd gehou, teen watter tyd dit stilisties verouderd was. Om hulle geld te onderskei van hulle mededinger Egina, het Athene die tetradragme gemunt volgens die "Attiese" standaard van 4,3 gram per dragme.

Die gebruik van die tetradragme as geldeenheid is deur die leër van Alexander die Grote versprei deur die Hellenistiese gebiede van die hedendaagse Iran en Indië.[3]

Beelde[wysig | wysig bron]

Verwysings[wysig | wysig bron]

  1. "Tetradrachm". Merriam-Webster. URL besoek op 2008-01-20. 
  2. 2,0 2,1 Androulakis, Yiannis. "History of the Greek coins". Fleur-de-Coin (in Engels). Geargiveer vanaf die oorspronklike op 22 November 2012. Besoek op 20 Januarie 2008.
  3. "Tetradrachm (silver)". Coin Cabinet. Kunsthistorisches Museum Vienna. Geargiveer vanaf die oorspronklike op 18 Junie 2007. Besoek op 20 Januarie 2008.

Eksterne skakels[wysig | wysig bron]

Bron[wysig | wysig bron]

Vertaal uit die ooreenstemmende artikel in die Engelse Wikipedia.