The Cloisters

in Wikipedia, die vrye ensiklopedie
Jump to navigation Jump to search
The Cloisters, soos gesien vanaf die ingang tot die museumkompleks

The Cloisters is 'n museum in Fort Tryon Park in Washington Heights, Manhattan, New York, wat op Europese Middeleeuse boukuns, beeldhoukuns en dekoratiewe kunste fokus, waarby die klemtoon op die Romaanse en Gotiese stylperiodes val. Die museum, wat deur die Metropolitan Museum of Art (MoMA) bestuur word (en derhalwe dikwels ook The Met Cloisters genoem word), vertoon sy omvattende versameling van Middeleeuse kunswerke in die gerekonstrueerde argitektoniese konteks van Franse kloosters - vandaar ook sy naam.

Die museumkompleks het rondom vier kloosters ontstaan - Cuxa, Saint-Guilhem, Bonnefont en Trie - wat deur die Amerikaanse beeldhouer en kunshandelaar George Grey Barnard (1863–1938) in Europa gekoop is. Hulle is daar tussen 1934 en 1939 uitmekaargehaal en vervolgens na New York verskeep. Die kloosterfragmente is deur die finansier en filantrop John D. Rockefeller, Jr. vir die museum gekoop wat op 'n heuwel bo-oor die Hudsonrivier ontstaan en sy deure op 10 Mei 1938 vir die publiek geopen het. Die kunswerke, wat hier uitgestal word, het hul oorsprong onder meer in die versamelings van J. P. Morgan en Joseph Brummer.

Eksterne skakels[wysig | wysig bron]