Thomas Barthel

in Wikipedia, die vrye ensiklopedie
Jump to navigation Jump to search
Thomas Barthel
Geboortenaam Thomas Sylvester Barthel
Gebore (1923-01-04)4 Januarie 1923
Berlyn, Republiek van Weimar
Oorlede 3 April 1997 (op 74)
Tübingen, Duitsland
Nasionaliteit Vlag van Duitsland Duitsland
Vakgebied Etnologie, epigrafie

Thomas Sylvester Barthel (4 Januarie 19233 April 1997) was ’n Duitse etnoloog en epigraaf wat veral bekend is vir sy katalogus van Paaseiland se onontsyferde rongorongo-skrif.

Barthel het ná die Tweede Wêreldoorlog folklore, geografie en voorgeskiedenis in Berlyn, Hamburg en Leipzig studeer. Hy het in 1952 sy doktorsgraad behaal met ’n tesis oor die Maya-skrif. Van 4 Julie 1957 tot 1 Februarie 1958 was hy ’n gasnavorser oor Paaseiland aan die Universiteit van Chili.

Om rongorongo te dokumenteer, het Barthel die meeste van die museums besoek waar die tablette gehou is, en met ’n potlood afdrukke daarvan gemaak. Daarmee het hy die eerste korpus van die skrif saamgestel en dit in 1958 gepubliseer as Grundlagen zur Entzifferung der Osterinselschrift ("’n Grondslag vir die Ontsyfering van die Paaseilandskrif"). Hy was die eerste geleerde wat enigiets van die skrif ontsyfer het, en dit is dat twee reëls in die Mamari-tablet met ’n kalender te doen het.

Barthel was ook in die middel 20ste eeu aktief betrokke by pogings om die Maya-skrif te ontsyfer. Hy was een van die eerste mense wat embleemgliewe in besonderhede en in terme van hul politieke en hiërargiese verband ontleed het.[1]

Verwysings[wysig | wysig bron]

  1. Rice, Prudence M. (2004). Maya Political Science: Time, Astronomy, and the Cosmos. The Linda Schele series in Maya and pre-Columbian studies. Austin: University of Texas Press. ISBN 0-292-70261-2. OCLC 54753496.