Thomas Pakenham
Thomas Francis Dermot Pakenham (gebore op 14 Augustus 1933 in Bayswater, Londen), ook bekend as Thomas Pakenham, is 'n Anglo-Ierse geskiedkundige en boomkenner wat bekroonde boeke oor 'n verskeidenheid van onderwerpe geskryf het, soos onder meer Afrika-geskiedenis, die Victoriaanse era, Britse geskiedenis in die post-Victoriaanse era, en bome.
Agtergrond[wysig | wysig bron]
Pakenham is die seun van Frank Pakenham, 'n minister van die linkse Arbeidersparty, en Elizabeth Longford. Hy het sewe broers en susters. Onder hulle tel die bekroonde geskiedkundige en biograaf Antonia Fraser, wat die weduwee is van die dramaturg Harold Pinter. Sy suster, Rachel Billington, is ook 'n skrywer, en getroud met die regisseur Kevin Billington. Sy suster Judith Kazantzis is 'n digter; en sy broer Kevin Pakenham[1] werk vir die Stad van Londen. Hy is ook die neef van die voormalige onderleier van die Arbeidersparty, Harriet Harman.
Biografie[wysig | wysig bron]
Nadat Pakenham in 1955 van Belvedere Kollege en Magdalen Kollege, Oxford, gegradueer het, hy na Ethiopië gereis, welke reis beskryf word in sy eerste boek getiteld The Mountains of Rasselas. By sy terugkeer na Brittanje was hy deel van die redaksie van die Times Educational Supplement, en later ook die The Sunday Telegraph en The Observer. Hy woon beurtelings in Londen en County Westmeath, Ierland, waar hy die voorsitter van die Ierse Genootskap vir Bome, en 'n ere-bewaarder van Tullynally-kasteel, is. Hy was die eienaar van die Longford Greyhound Stadion, maar het die stadion in 1966 aan Longford Sports Bpk. verkoop.[2]
Bibliografie[wysig | wysig bron]
Boeke waarvan Thomas Pakenham die outeur of mede-outeur is:
- The Mountains of Rasselas: Ethiopian Adventure, ISBN: 0-297-82369-8, (1998)
- The Year of Liberty: The History of the Great Irish Rebellion of 1798, ISBN: 0-679-74802-4
- The Boer War, ISBN: 0-349-10466-2 (wenner van die Cheltenham-prys) (1979)[3][4]
- The Scramble for Africa, ISBN: 0-349-10449-2 (wenner van die WH Smith Literêre prys en die Alan Paton-prys) (1991)
- Meetings with Remarkable Trees, ISBN: 0-297-83255-7 (aangepas vir 'n radio- en televisiereeks met dieselfde naam) (1996)
- Remarkable Trees of the World, ISBN: 0-297-84300-1 (2002)
- Remarkable Baobab, ISBN: 0-297-84373-7 (2004)
- The Company of Trees: A Year in a Lifetime's Quest, ISBN: 978-0-2978-66244. (Orion Publishing Group, Londen) (September 2015)
Eksterne skakels[wysig | wysig bron]
Verwysings[wysig | wysig bron]
- ↑ "Kevin Pakenham | Pakenham Partners Limited". www.pakenhampartners.com. Geargiveer vanaf die oorspronklike op 23 Desember 2018. Besoek op 23 Desember 2018.
- ↑ "Monthly Greyhound Star (Remember When 1966) Maart uitgawe". Greyhound Star.
- ↑ In Afrikaans vertaal deur Leon Rousseau as Die Boere-Oorlog
- ↑ https://www.goodreads.com/book/show/6809391-die-boere-oorlog .Opgespoor en besoek op 09/10/2019