Timbavatirivier

in Wikipedia, die vrye ensiklopedie
Jump to navigation Jump to search
Timbavatirivier
Die Timbavatirivier in die Krugerwildtuin
Die Timbavatirivier in die Krugerwildtuin
Hoofrivier Olifantsrivier
Oorsprong Acornhoek
Monding Olifantsrivier
Stroomgebied Mpumalanga, Suid-Afrika
Ligging van Timbavatirivier op 'n kaart (Mpumalanga)
Timbavatirivier
Timbavatirivier
Koördinate: 24°3′18″S 31°40′39″O / 24.05500°S 31.67750°O / -24.05500; 31.67750Koördinate: 24°3′18″S 31°40′39″O / 24.05500°S 31.67750°O / -24.05500; 31.67750

Die Timbavatirivier is 'n regtersytak van die Olifantsrivier in Mpumalanga, Suid-Afrika. Die rivier vloei ook etlike kilometer deur Limpopo, en ontspring aan die buitewyke van Acornhoek naby die grens tussen dié provinsies. Hier ontspring ook die Klaserie en bolope van die Sandrivier. Die Timbavati vloei ooswaarts deur die Andover-natuurreservaat en Timbavatiwildtuin en daarna noordooswaarts deur die Krugerwildtuin.

Dit vloei die Krugerwildtuin binne aangrensend aan Maroelakaravaankamp, (24°27′20″S 31°23′53″O / 24.45556°S 31.39806°O / -24.45556; 31.39806) net noord van Orpenruskamp. Die Tamboti-tentekamp is ook naby voorgenoemde kampe op die regteroewer geleë. Die H-7 en S39 is goeie wildbesigtingsroetes wat al met die kronkelende rivier langs loop tot naby die samevloeiing met die Olifantsrivier. Die ryk wildlewe van hierdie area word toegeskryf aan 'n strook voedingsryke soetgrasveld, wat op sy beurt te danke is aan die mineraalryke en waterhoudende gabbro-substraat.[1] Die Roodewal-boskamp is naby die samevloeiing met die Shisakashanghondo-sytak aangelê. Benewens klein damme in die bolope te Acornhoek is daar ook die Piet Groblerdam langs die S39-roete. Masalakoppie (500m) in die wildtuin is die enigste heuwelagtigheid in die rivier se opvanggebied.

Galery[wysig | wysig bron]

Monding[wysig | wysig bron]

Verwysings[wysig | wysig bron]

Eksterne skakel[wysig | wysig bron]

Sien ook[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.