Tom Stoppard

in Wikipedia, die vrye ensiklopedie
Spring na: navigasie, soek
Tom Stoppard
’n Beeld van die betrokke persoonlikheid.
Geboortenaam Tomáš Straussler
Gebore 3 Julie 1937
Zlín, Tsjeggo-Slowakye
Titel Dramaturg en draaiboekskrywer
Huweliksmaat Josie Ingle, Miriam Stoppard, Sabrina Guinness

Sir Tom Stoppard (gebore Tomáš Straussler; 3 Julie 1937) is 'n Tsjeggies-gebore Britse dramaturg wat toneelstukke skryf vir die verhoog, radio, televisie en silwerdoek. As twee-jarige kind was hy deel van die beroemde Kindertransport wat kinders uit sentraal Europa na Engeland vervoer het, om die dreigende moontlikheid van 'n Nazi-besetting te ontglip.

Stoppard is die mede-outeur, saam met Marc Norman, van 'n Oscar-bekroonde draaiboek vir die rolprent Shakespeare in Love (1998). Hy is verder ook die mede-outeur van die draaiboeke vir Terry Gilliam se rolprent Brazil (1985) en Fred Schepisi se rolprent The Russia House (1990).

Stoppard se vernaamste toneelstukke vir die verhoog is Travesties (1974), Every Good Boy Deserves Favour (1977), The Real Thing (1982), Arcadia (1993), The Invention of Love (1997), die trilogie The Coast of Utopia (2002), en The Hard Problem (2015). Sy bekendste werk, Rosencrantz and Guildenstern Are Dead (1966), is 'n absurdiste en eksistensialistiese tragikomedie wat uit brei op die doen en late van twee kleiner karakters uit William Shakespeare se Hamlet.