Trajanus

in Wikipedia, die vrye ensiklopedie
Spring na: navigasie, soek
Trajanus
13de Keiser van die Romeinse Ryk
Borsbeeld van Trajanus met burgerkroon, swaardband en 'n aegis met Medusahoof en slange as simbole van sy goddelike magsaanspraak. Gliptoteek in München, Duitsland.
Borsbeeld van Trajanus met burgerkroon, swaardband en 'n aegis met Medusahoof en slange as simbole van sy goddelike magsaanspraak. Gliptoteek in München, Duitsland.
Regeer 28 Januarie 98 – 9 Augustus 117 (vir 19 jare en 193 dae)
Volle naam Caesar Divi Nervae filius Nerva Trajanus Optimus Augustus Germanicus Dacicus Parthicus
Gebore 18 September 53; Italica, Hispanje
Oorlede 9 Augustus 117; Selinus, Kilikië (op 63)
Begrawe Rome
Voorganger Nerva
Opvolger Hadrianus
Adellike huis Nervo-Trajaanse dinastie
Vader Marcus Ulpius Traianus
Moeder Marcia
Eggenote Pompeia Plotina
Kinders Hadrianus

Marcus Ulpius Traianus (* 18 September 53 moontlik in Italica of in Rome; † 8 Augustus 117 in Selinus, Kilikië), algemeen bekend as Trajanus, het tussen 98 en 117 as Romeinse keiser regeer.

Die Romeinse Ryk in sy grootste uitbreiding onder keiser Trajanus in 117.

Trajanus - die eerste Romeinse keiser wat uit 'n provinsie afkomstig was - word in die Romeinse geskiedskrywing, wat tradisioneel deur senatore opgeteken is, as die beste Romeinse princeps (optimus princeps) beskryf. Ná 'n periode van vervolgings en teregstellings van Romeinse senatore laat in die regeringstyd van Domitianus en die einde van die Flaviese geslagslyn het Trajanus saam met sy voorganger Nerva die tradisie van adoptiefkeisers begin.

Onder die heerskappy van Trajanus het die Romeinse Ryk met die verowering van Armenië, Mesopotamië en veral die Dakiese Ryk sy grootste omvang ooit bereik.

Sy binnelandse beleid is gekenmerk deur sosiale maatreëls en groot boubedrywighede en was veral daarop gemik om Italië se posisie binne die strukture van die ryk te versterk en die Romanisering van die provinsies te bevorder.

Sien ook[wysig]