Trinley Thaye Dorje

in Wikipedia, die vrye ensiklopedie
Jump to navigation Jump to search
Trinley Thaye Dorje
17-Karmapa-Lon.jpg
Skool Karma Kagyu
Ander name  Phrin-las Mtha'-yas Rdo-rje (Wylie)
Persoonlik
Nasionaliteit  Tibettaans
Gebore 6 Mei 1983 (1983-05-06) (35 jaar oud) , Lhasa, Tibet
Loopbaan
Titel Sy Heiligheid
17de Karmapa (aanspraakmaker)
Voorganger  Rangjung Rigpe Dorje
Reïnkarnasie  Karmapa (aanspraakmaker)

Trinley Thaye Dorje (Tibettaans: ཕྲིན་ལས་མཐའ་ཡས་རྡོ་རྗེ་; geb. 6 Mei 1983, Tibet) is ’n aanspraakmaker op die titel 17de Karmapa. Die Karmapa is hoof van die Karma Kagyu-skool, een van die vier hoofskole van Tibettaanse Boeddhisme. Die ander aanspraakmaker op die titel is Ogyen Trinley Dorje.

Biografie[wysig | wysig bron]

Trinley Thaye Dorje is die seun van die 3de Mipham Rinpoche (Tshe-dbang Bdud-'dul-lyn) van die Junyung-klooster, een van verskeie mense wat geglo word die reïnkarnasie van Ju Mipham, ’n belangrike lama van die Nyingmapa-skool en ’n afstammeling van koning Gesar van Ling, is.[1] Daar word berig dat die seun op die ouderdom van ses maande reeds begin vertel het dat hy die Karmapa was.[2] Die identiteit van die 17de Karmapa word egter betwis.

In 1988 het Shamar Rinpoche Lhasa in die geheim besoek om ondersoek in te stel of Thaye Dorje werklik die reïnkarnasie van die Karmapa is omdat hy gesê het die seun het in ’n droom aan hom verskyn.[2] In Maart 1994 het Thaye Dorje en sy familie uit Tibet na Nepal ontsnap en toe na Indië, waar Shamar Rinpoche hom amptelik as die 17de Karmapa erken het. In 1994 is Thaye Dorje in Nieu-Delhi, Indië, deur die 14de Kunzig Shamarpa gekroon as die 17de Gyalwa Karmapa.

Opvoeding[wysig | wysig bron]

Thaye Dorje het hierna ’n intensiewe tydperk van tradisionele opleiding in Boeddhistiese filosofie en praktyk ontvang. Hy het ook ’n moderne Westerse opvoeding van Britse en Australiese onderwysers en ’n intensiewe bekendstelling aan Westerse filosofie in Amerika gekry.[3]

Thaye Dorje woon tans in Kalimpong, Indië, waar hy sy opvoeding voortsit. Op 17 Mei 2006 is hy amptelik deur die Karmapa-liefdadigheidstrust as die regmatige en administratiewe opvolger van die 16de Karmapa erken. Die wettige opvolger is egter nog nie onbetwis bepaal nie.[4]

Sien ook[wysig | wysig bron]

Verwysings[wysig | wysig bron]

  1. Diamondway-Buddhism Biography Thaye Trinley Dorje. (URL besoek op 18 September 2006)
  2. 2,0 2,1 Karmapa Thaye Dorje, Het Boeddhistische boek van Wijsheid van Liefde, 9080582352 (Nederlandse vertaling. (Oorspronklike Franse titel: Le livre bouddhiste de la sagesse et de l'amour)
  3. Washington and Lee University Pemberton Teaches Western Philosophy in India. URL besoek op 18 September 2006)
  4. Karmapa Charitable Trust: Announcement from the Council of His Holiness Gyalwa Karmapa (pdf) URL besoek op 18 Augustus 2006

Eksterne skakels[wysig | wysig bron]