Tsjirinkotan

in Wikipedia, die vrye ensiklopedie
Tsjirinkotan
Eiland van die Koerile
'n Nasa-foto van Tsjirinkotan.
'n Nasa-foto van Tsjirinkotan.
Kuriles Chirinkotan.PNG
Ligging See van Ochotsk
Plaaslike naam Чиринкотан
知林古丹島
Argipel Koerile
Oppervlakte 6 km2
Hoogste piek Pik Masaotsji
Hoogte 742 m
Land Vlag van Rusland Rusland
Deelgebied Sachalin-oblast
Bevolking 0

Tsjirinkotan (Russies: Чиринкотан; Japannees: 知林古丹島, Chirinkotan-tō) is 'n onbewoonde vulkaniese eiland naby die middel van die Koerile-argipel in die See van Ochotsk, noordwestelike Stille Oseaan. Dit val in die Sachalin-oblast van Rusland. Die naam kom van die inheemse taal Ainoe en beteken "modderstorting". Dit is geleë 3 km wes van Ekarma, sy naaste buureiland.

Beskrywing[wysig | wysig bron]

Tsjirinkotan is sowat 50 km wes van die middelste deel van die argipel geleë. Dit is die bokant van 'n gedeeltelik ondersese stratovulkaan wat sowat 3 000 m bo die bodem van die See van Ochotsk uitrys. Dit is feitlik rond, met 'n oppervlakte van 6 km2.[1]

Die eiland se hoogste punt, Masaotsji in Ainoe, is 742 m hoog en steeds aktief. Groot uitbarstings is waargeneem in 1760, 1884, 1900, 1979, 1986, 2004 en 2013. Die kaldera is sowat 1 km breed en 300-400 m diep. Die kuslyn van die eiland is steil kranse, wat dit onmoontlik maak om daar te land.

Verwysings[wysig | wysig bron]

  1. "International Kuril Island Project(IKIP)". University of Washington Fish Collection or the respective authors. Geargiveer vanaf die oorspronklike op 2013-07-23. Besoek op 2009-12-05.

Skakels[wysig | wysig bron]