Tugelawaterval
Die Tugelawaterval is 'n 948 m hoë waterval. Dit is naby die oorsprong van die Tugelarivier by Mont-aux-Sources, 'n piek van die Drakensberge, KwaZulu-Natal, Suid-Afrika. Dit is die tweede hoogste waterval in die wêreld. Die waterval is gemiddeld 15 m wyd met 'n volume van 1 m3/s. Tegnies bestaan die val uit vyf valle met die hoogste enkele val van 411 m. Die waterval is net te voet bereikbaar.[1]
Die hoogste waterval ter wêreld is die Angel-val in Venezuela, wat 979 m hoog is.
In 2016 is albei die Tugelawaterval en die Angel-val hermeet deur 'n Tsjeggiese span onder leiding van Martin Sil. Die span se meetings het bevestig dat die Angel-val 978 meter hoog is, maar hul meetings het getoon dat die Tugelawaterval op 983 meter die hoogste waterval in die wêreld is.[2] Hulle het egter verduidelik dat die Angel-val op 807 meter val, die grootste ononderbroke val. Die grootste ononderbroke val vir die Tugelawaterval is 411 meter.
Verwysings[wysig | wysig bron]
- ↑ http://www.world-waterfalls.com/
- ↑ (en) "Czech surveyors: Tugela, not Angel is world's tallest waterfall". Prague Daily Monitor. 13 Desember 2016. Geargiveer vanaf die oorspronklike op 24 April 2017. Besoek op 23 Oktober 2018.
