Tweede Tempel

in Wikipedia, die vrye ensiklopedie
Jump to navigation Jump to search
’n Model van Herodes se Tempel (’n restourasie van die Tweede Tempel) in die Israel-museum, 1966.

Die Tweede Tempel (Hebreeus: בֵּית־הַמִּקְדָּשׁ הַשֵּׁנִי, Beit HaMikdash HaSheni) was die Joodse heilige tempel wat tussen 516 v.C. en 70 n.C. op Tempelberg in Jerusalem gestaan het. Volgens die Joodse tradisie het dit Salomo se Tempel (die Eerste Tempel) vervang wat in 586 v.C. deur die Nieu-Babiloniese Ryk vernietig is toe Jerusalem binnegeval en ’n deel van die bevolking van Juda na Babilon verban is.

Geskiedenis[wysig | wysig bron]

Die Tweede Tempel was aanvanklik ’n taamlik beskeie gebou wat deur ’n paar verbanne Joodse groepe gebou is wat van Babilon af na die Levant teruggekeer het. In die tyd van Herodes die Grote is dit egter heeltemal oorgebou en gerestoureer tot ’n groot en manjifieke struktuur. Nes die Babiloniërs die Eerste Tempel vernietig het, het die Romeine die Tweede Tempel en Jerusalem in 70 n.C. verwoes as vergelding vir die voortdurende Joodse opstande.

Volgens Joodse eskatologie sal die Tweede Tempel deur die Derde Tempel vervang word.

Eksterne skakels[wysig | wysig bron]