Ubangirivier

in Wikipedia, die vrye ensiklopedie
Jump to navigation Jump to search
Ubangirivier
Die Ubangirivier naby Bangui, Sentraal-Afrikaanse Republiek.
Die Ubangirivier naby Bangui, Sentraal-Afrikaanse Republiek.
Ubangirivermap.png

Die stroomgebied van die Ubangirivier.

Oorsprong Saamvloei van Mbomou en Uele (op die grens tussen die Demokratiese Republiek die Kongo en die Sentraal-Afrikaanse Republiek)
Monding Kongorivier, naby Mbandaka
op die grens tussen die Demokratiese Republiek die Kongo en die Republiek die Kongo
Stroomgebied Demokratiese Republiek die Kongo, Sentraal-Afrikaanse Republiek, Republiek die Kongo
Lengte 2 250 km (1 400 myl)
Oorspronghoogte 395 m (1 296 vt)[1]
Mondinghoogte 295 m (968 vt)
Gemiddelde afloop 5 936 m³/s
Stroomgebiedopp. 754 830 km²

Die Ubangirivier (Engels: Ubangi River; Frans: Oubangui) is 'n groot wes-vloeiende rivier in Sentraal-Afrika. Die rivier is met 'n lengte van 2 250 km die grootste regte sytak van die Kongorivier.

Nasa-Satellietbeeld van die Ubangirivier

Die Ubangirivier ontstaan deur die saamvloei van die Mbomou en die Uele op die grens tussen die Demokratiese Republiek die Kongo in die suide en die Sentraal-Afrikaanse Republiek in die noorde. Aansluitend vloei die rivier in 'n noordwestelike rigting, voordat hy na 'n wye boog in 'n suidwestelike rigting begin vloei en Bangui, hoofstad van die Sentraal-Afrikaanse Republiek, bereik. Vanaf hier word die Ubangirivier bevaarbaar.[2] Net suid van Bangui begin die Ubangirivier die grens tussen die Demokratiese Republiek die Kongo in die ooste en die Republiek die Kongo in die weste vorm. Net suid van die ewenaar mond die Ubangirivier naby Mbandaka in die Kongorivier uit.

Sien ook[wysig | wysig bron]

Verwysings[wysig | wysig bron]

  1. (fr) J. Callede, Y. Boulvert, J-P. Thiebaux: Le bassin de l'Oubangui, Kap. 4 Geargiveer 30 April 2016 op Wayback Machine
  2. (de) "Demokratische Republik Kongo – Hydrografie". kongo-kinshasa.de. Geargiveer vanaf die oorspronklike op 1 Januarie 2016. Besoek op 29 November 2015.

Eksterne skakels[wysig | wysig bron]