Uieringe

in Wikipedia, die vrye ensiklopedie
'n Mandjie met gebraaide uieringe

Uieringe, ook bekend as 'n gebraaide uiering, [1] is 'n voorgereg of bykos in die Britse en Amerikaanse kookkuns. Dit bestaan uit 'n ui wat in skywe gesny is (die "ringe"), gedoop in beslag of broodkrummels en dan diepgebraai is. 'n Variant word gemaak met uiepasta. Hoewel dit gewoonlik as bykos saam met steak of burgers bedien word (veral in braairestaurante) word uieringe soms alleen geëet.

Geskiedenis[wysig | wysig bron]

'n Britse resep uit 1802 versoek dat uie in skywe gesny, in 'n beslag gedoop, parmesaankaas bygevoeg en diepgebraai word in varkvet. Daar word voorgestel dat dit met 'n sous van gesmelte botter en mosterd bedien word.[2]

Verskeie restaurante beweer natuurlik dat hulle uieringe uitgevind het, waaronder die Kirby's Pig Stand-restaurantketting, wat in die vroeë 1920's in Oak Cliff, Texas, gestig is. [3]

Voedselchemie[wysig | wysig bron]

Die gaarmaakproses ontbind propaan-etinieloksied in die ui tot die soet-riekende bispropenieldisulfied, wat verantwoordelik is vir die effens soet smaak van uieringe.

Verwysings[wysig | wysig bron]

  1. "French Fried Onion Rings", The Big Apple, 11 Februarie 2007
  2. Mollard, John (1802). The Art of Cookery Made Easy and Refined (2de uitg.). p. 152.
  3. "Oak Cliff Trivia". OakCliff.com. Besoek op 25 Oktober 2010.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.